Gure Txokoa Dantza Taldea

2012KO IÑUDEAK ETA ARTZAIAK

2012-02-01T21:06:00.003+01:00

2012KO IÑUDEAK ETA ARTZAIAK

Urtero bezala iñauteriak hurbildu zaizkigu, 2012ko Otsailaren 19an Berako kaleetatik Iñude eta Artzainak dantzan ikusteko aukera paregabea izango dugu. Horretarako, dantzatzeko prest dauden Beratarrei ensaio egunak adierazi nahi dizkiegu:

- Otsailak 10an goizeko 11.30etan
- Otsailak 15ean arratsaldeko 20:00tan
- Otsailak 17an arratsaldeko 20:00

Bazkariko txartelaren prezioa: 13€

Oharra: egun honetan parte hartzeko derrigorrezkoa da, egun hauetako batean ensaioetara azaltzea. Horrela, ensaio egunetan txartelak salgai egongo dira, bakoitzak berea hartu beharko du.
Otsailak 19an goizeko 11tan Eztegarako frontoian.

ANIMATU!!!!

2012. URTEARI HASIERA!!!!!!!!!!!!!!!!!!!!!!

2012-02-01T21:01:00.002+01:00

GOAZEN 2012. URTEARI HASIERA EMATERA!!!!

DAGOENEKO HAUR ETA GAZTETXOAK 2012. URTERAKO APUNTATU DIRA.

DENEN ARTEAN, GAURTIK HASITA, ABUZTUA BUKAERARAINO DANTZA EGIN ETA EGINEZ, URTE BUKAERAN GURE HAURTXOAK DANTZARI HOBEAGOAK BIHURTUKO DIRA!!!

AUPA GURE TXOKOA DANTZA TALDEA

ESKERRIKASKO!!!!!!!!!!!!

2011ko haur eta gaztetxoen ikasturtea

2010-12-14T08:47:00.003+01:00

Gure Txokoa Dantza Taldean dagoeneko 2011-an pentsatzen gaude. Urtero bezala garai hauetan izena emateko ordua ailegatu da.

Zuen semeak edota alabak 2005an edo lehenago jaioa bada (2011an gutxienez 6 urte beteko dituztenak), aukera ezin hobea du Berako ekintzen artean jende gehien mugitzen duenetako bat egiteko. Euskal dantzak eta Berako ohiturak ikasteaz gain, giro alai eta atsegin batean, lagun pila egin ahal izango dute. Astean zehar, irakasleekin adostutako ordu eta egun batean, haurrek, Berako bestetan, auzokoetan, “dantzari ttiki”-an... parte hartu ahal izateko dantzak entsaiatuko dituzte.

Zuen seme edo alabak euskal dantzak ikasi nahi baditu etorri izen ematera ondoren adierazten den egun eta orduan (LEHENGO URTEAN DANTZA EGITEN ZUTEN GUZTIAK ERE BAI APUNTATU BEHARKO DIRA):

- Tokia: IAMOTENEA (GURE TXOKOA ELKARTEA)
- Eguna: ASTEARTEA, ABENDUAK 21
- Ordua: 17:30etatik 19:30ak BITARTE

Ziur gaude ez dela inor euskal dantzak probatzeaz damutuko!!!
Zalantzarik izanez gero azaldutako egunean argituko dizkizuegu edo bestela ondoko zenbakira deitu konpromisorik gabe:
647 29 61 04 (Ibai)- 661 19 70 02(Iñaki)
GURE TXOKOA DANTZA TALDEA
guretxokoadantza.blogspot.com
-------------------------------------------------------------------------------------------------
-------------------------------------------------------------------------------------------------
En el grupo de dantzas de Gure txokoa ya estamos preparando el próximo 2011. Como cada año por estas fechas ha llegado la hora de apuntarse.

Si vuestro hijo o hija es nacido en el 2005 o antes (aquellos que en 2011 cumplan 6 años o mas), ésta es una inmejorable ocasión para formar parte de unas de las actividades más participativas de Bera. Además de aprender las dantzas típicas vascas y las costumbres de Bera, podrán hacer nuevos amigos en un ambiente sin igual. Estos pequeños dantzaris, podrán participar en las fiestas de Bera, en las de los barrios, en el “dantzari ttiki”... demostrando lo ensayado durante todo el año. Los días y horarios de los ensayos se acordarán con el profesor para que todos los niños puedan acudir.

Para apuntar a vuestro hijo o hija a dantzas, venid el día y a la hora abajo indicados (TODOS LOS QUE BAILARON EL AÑO PASADO DEBERÁN APUNTARSE DE NUEVO):

- Lugar: IAMOTENEA (SOCIEDAD GURE TXOKOA)
- Día: 21 DE DICIEMBRE, MARTES
- Hora: DE 17:30 A 19:30 HORAS

¡Estamos seguros que nadie se arrepentirá de venir a dantzas!
Si tenéis alguna duda venid el día acordado para que os la solucionemos. Si no pudierais aparecer, llamar al siguiente número de contacto:
647 29 61 04 (Ibai)- 661 19 70 02(Iñaki)
GURE TXOKOA DANTZA TALDEA
guretxokoadantza.blogspot.com

Gure Txokoa Igartzako ezpatadantzarien bilkuran

2010-09-19T22:16:00.020+02:00

Pasa den irailaren 11an Gure Txokoa Dantza Taldeak Aurtzaka Dantza Taldeak Igartzan (Beasain) antolatutako Euskal Herriko ezpatadantzarien bilkuran parte hartu zuen. Honako hau Aurtzaka Dantza Taldeak beren blogean kaleraturiko albistea da:

Igartzan ez dugu berehala ahaztuko !

2010eko Irailak 11, egun ederra izan genuen Beasainen.

Lehenik eta behin, Igartzako inguru osoa estreinatu ahal izan genuen dantzaleku moduan: Zubia, Jauregia, Dolarea, Burdinola, Errota eta Ermita zaharberritzeko obrak eta lanak bukatu dira, eta distiratsu agertu zitzaizkigun gure dantza guztien lekuko.

Honekin batera, egun berezi honi, deialdi berezia erantsi nahi izan genion. Dakigula, tradizioan etenaldirik ezagutu ez duen Ezpata-dantza zaharrenetakoa daukagu Beasainen: Loinazko San Martingoa, ezpata txikiekin bakarrik dantzatzen dena. Eta dakigula, ohikoa zen Beasainen inguruko dantzari iaionak ezpata txikiak dantzatzera gonbidatzea ospakizun berezietan. Honenbestez, Euskal Herriko Ezpata-dantza guztietako kapitain eta buruzagiei luzatu genien gonbidapena. Eta ia denak etorri zitzaizkigun. Beraz, eskerrik beroenak Arkaitz (Añorga), Beti Jai Alai (Bilbo), Duguna (Iruñea), Gure Kai (Deba), Gure Txokoa (Bera), Haritz (Elgoibar), Irrintzi (Zumarraga), Kezka (Eibar), Sustraiak (Legazpi), Udaberri (Tolosa) eta Urki (Andoain) dantza taldeei.

Bide batez, hemendik aurrera gure Kofradiako bereizgarri izango ditugun bandera eta paparreko dominak aurkeztu genituen.

Bidenabar, ospakizun honek eskaini zigun abagunea baliatu nahi izan genuen, gure dantza-zaletasuna eta Kofradia bera sustatu eta osatzeko ezinbestekoak gertatu zaizkigun lau pertsona Ohorezko kofradia-kide izendatzeko.

Lehenengo, orain 5 urte utzi gintuen Joxe Sarriegi herriko dantza-maisuari egin nahi izan genion aipamena. Berari esker, besteak beste, mantendu da eta bizirik dirau Beasainek bere-berea duen Ezpata-dantza, eta baita gutako askoren sehaska izan den plazako aurreskua ere. Hilondoko omen modura, bere seme eta ordezkari izan zen Xabier Sarriegi “Paxatxo”k jaso zuen ohorezko domina.

Bazen omendu beharreko beste herritar bat ere: Raimundo Gamaio. Bere bizitzaren zati handi bat dantzari eskaini izan dio eta Aurtzakaren sortzaileetako bat ere badugu. Aurtzakaren sorrerako garai haietan egindako lan eskerga modu xume honetan eskertu nahi genion.

Hurrengo omendua Juan Antonio Urbeltz izan zen, Beasaindik kanpo etorri arren, dantza-munduan egin duen lanaren eragina oso gertukoa izan dugulako gure Kofradian eta beti erakutsi izan digun laguntzeko prestutasuna eskertzeko gogoz.

Eta azkenik, Kofradia gauzatzeko eta bere bilakaeran ezinbesteko laguntza eman digun hau: Juantxo Agirre, beti egon baita laguntzeko eta gure eskaera guztiak bideratzeko prest.

Aurtengo ibilibidea ere aurreko urteetakoaren antzekoa izan zen eta behin Nafarroa Etorbidean aurrera ginela jendetza izan genuen bidaide Igartzarainoko bidean.

Igartzan ginelarik, Loinazko kapitainek San Martingo Ezpata-dantza dantzatu zuten eta Igartzako dantzariek eman zioten segida ekitaldiari, zubiaren inguruan egindako dantzekin eta zubi gaineko larrosa eta bandera-dantzarekin.

Jarraian etorri ziren kapitain eta buruzagi gonbidatu guztien ezpata-dantzak:

Bilboko Beti Jai Alai taldekoek Begoñako ezpata-dantza.

Berako Gure Txokoa taldekoek Bordon-dantza; eta Iruñeako Duguna taldekoek San Fermin Aldapakoaren ezpata-dantza.

Legazpiko Sustraiak taldekoek Santikutzetako ezpata-dantza; eta Zumarragako Irrintzi taldekoek Antioko ezpata-dantza.

Debako Gure Kai taldekoek San Roke dantza; eta Andoaingo Urki, Añorgako Arkaitz, Eibarko Kezka, Elgoibarko Haritz, eta Tolosako Udaberri taldeetakoek Gipuzkoako ezpata-dantza.

Igartzako kapitainek Igartzako ezpata-dantza.

Zein baino zein ikusgarriagoak, bertan bildutako beasaindarrek aurtengo emanaldi berezi hau zeharo gustukoa izan zutela nabaria izan zen.

Jauregian bertan Dolarea Jatetxeko Iban Matek eskeinitako bazkariarekin datorren urtekoari jarraipena emateko indarberrituta gelditu ginen. Aiko taldearen eskutik luzatu genuen arratsaldea, eta auzoko jaietan gaua ere luzatu zuenik izan omen zen.

Eskertu beharrean gaude bereziki gure musikarien aurtengo lana, hainbeste dantza-doinu trebeziaz lotu zituztelako, baita antolaketan lagundu gintuzten lagun guztiak ere.

Argazkiak Aritz Ibañez eta Iñaki Erauskinenak dira (esker aunitz bientzako!).

Argazki gehiago ikusteko: hemen Aurtzaka eta hemen Iñaki Erauskin .

Goierri Telebistako albistea http://www.gitb.info/index.php/bideoak/viewvideo/736/gaurkoan-goierritik/euskal-herri-osoko-ezpatadantzak-igartzan.html.

Igartza 2010eko deialdia hemen .

Duguna taldearen bloga http://www.dantzan.com/blogak/duguna/beasaingo-iruneko-galtzadarrien-gainean-dantzan.

Haritz taldearen bloga http://www.dantzan.com/blogak/haritz/beasaindik-lastur-eta-aiastiara.

Goierriko Hitza:

Donostiako emanaldiaren bideoa

2010-08-17T16:04:00.010+02:00

Pasa den larunbatean, abuztuak 14, Gure Txokoa Dantza Taldeak Makildantzak eskeini zituen Donostiako Konstituzio Plazan XXXIII. Txistulari Alardearen egitarauaren barrenean.

Ensaioan ere ikusleek ia exerleku guztiak bete zituen

Emanaldia hagitz ongi joan zela erran dezakegu. Plaza Donostiarra jendez gainezka zegoen ETB-ko kamarak barne eta musikariak punta-puntakoak ziren. Jose Ignazio Ansorenak zuzendu zuen bandan Jon Irazoki musikari Beratarra zegoen bertzeak bertze.

Gure Txokoako dantzariak Xabier Otaegi aurkezlearekin

Arratsalde osoan azkeneko ensaio eta prestakuntzak egin ondotik eta urduritasunak alde batera utzi ezinik ailegatu zen Beratarron txanda. Xabier Otaegik sarrera eman zigun eta gogo handiz goitu ginen eszenatokira. Donostiako Txistulari Bandak hala eskatuta 3. eta 5. eta 10. bitarteko dantzak egin genituen. Jendeak txaloz hartu gintuen eta are eta txalo handiagoekin agurtu ere bai.

Txistulari Alardean parte hartu zuten Gure Txokoako dantzariak kontzertuaren aurretik

Ikusle batek gure emanaldiaren bideo hau goitu du Youtubera, linka sakatuz ikusi dezakezue:
http://www.youtube.com/watch?v=URujcyPMlec

Bukaeran omenaldi bat egin zitzaion Ricardo Sabadie Errealeko ereserkiaren sortzaile zenari eta eszenatoki gainera goitu ginen kantua abestera.

Ondotik, kontzertuko partaideak Donostiarra Sagardotegian elkartu ginen afaltzera eguna giro bikainez amaituz.

Gure Txokoa Dantza Taldetik eskertu nahiko genuke kontzertuaren antolatzaileek eta partaideek eskeinitako tratu bikaina, bai ensaioetan eta bai kontzertu egunean eta bidenabar eskertu Donostiako Txistulari Alardean dantzatzeko aukera emateagatik.

ETB1-ek hurrengo egunetan eskeiniko du kontzertu osoa. Adi egongo gara telebista emanaldia iragartzeko.

Gure Txokoa Donostiako Txistulari Alardean eta Zugarramurdin

2010-08-14T13:11:00.006+02:00

Asteburua ekitaldiz betea heldu da Gure Txokoa Dantza Taldearentzat. Gaur larunbata, arratsaldez Donostiako XXXIII. Txistulari Alardean parte hartuko du eta bihar igandea berriz, Zugarramurdiko besten egitarauaren barruan goiz eta arratsalde dantzatuko du.

Gaurkoa, egun berezia izango da, izan ere Jose Ignazio Ansorenak zuzentzen duen txistulari eta musikari taldeak Berako Makildantzak joko ditu Donostiako Konstituzio plazan. Bertan Berako dantzak eta ohiturak erakutsi asmoz hamarkada bat Beratar izango da oholtza gainean. Azken egunetan Donostian ensaiatu ondoren etorriko da ospe handia duen kontzertua. Euskal Telebistako kamarak bertan izango dira grabaketa lanetan hurrengo egunetan kontzertua ETB1-en emateko asmoz.

Kontzertua arratsaldeko 20:30tan hasiko da Donostiako Alde Zaharreko Konstituzio plazan.

Hemen azpian uzten dizuegu ekitaldiaren deskribapena (Iturria: Donostia.org):
Aste Nagusia 2010: Txistularien Kontzertu Nagusia
Donostiako Aste Nagusiaren barruan, Txistularien Kontzertu Nagusiaren XXXIII. edizioa.
* Non: Donostia-San Sebastián
* Data: 2010/08/14
* Ordutegia: 20:30
* Tokia:Konstituzio Enparantza
* Sarrerak:Dohain / Gratis
* Antolatzailea: Euskal Herriko Txistularien Elkartea

Parte hartzaileak:
* Euskal Herriko Txistulariak
* Donostiako Eskola eta Gurutziaga abesbatzak
* Metal Bostekoa: Julio Garcia eta Aitor Gaston (tronpetak) - Izaskun Ocón (tuba) - Ibon Izagirre (tronboia) - Oskar Zurdo (tronpa)
* Teklatua: Jon Irazoki
* Baxua: Aitor Arozena
* Gitarra: Xanet Arozena
* Flauta baxua: Juantxo Vega
* Perkusioa: Agustin Laskurain, José Javier Lera
* Aurkezlea: Xabier Otaegi
* Zuzendaria: Jose Ignazio Ansorena Miner

PROGRAMA:
* Donostia (pasodoblea) Antonio Peña y Goñi**(1846-1896)
* Urolaldeko Harrobia.
o Ana Mari (baltza) Isidro Ansorena* (1892-1975)
o Maritxu Isidro Ansorena* (1892-1975)
+ Bakarrekoak: Alain Sorazu eta Jon Mendizabal
* Xabier Leteren Abestiak.
o Habanera Xabier Lete*** (1944—)
o Xalbadorren Heriotzan Xabier Lete*** (1944—)
+ Bakarreko kantaria: Irati Odriozola
* Berako Makil Dantza Herri doinuak**
o Berako Gure Txokoa dantzari taldea
* Donostiar Bat Aho Soinuz Munduan: Fermin Pujol.
o Pastelero Herri kanta*
o Molinatxo (habanera) Herri kanta*
+ Aho soinuaren bakarrekoa: Fermin Pujol
* Gizon Dantza Herri doinuak*
o Bakarreko dantzaria: Aimar Odriozola
* Haurtxo Zaratatsuak:
o Coro De Bebés Para El Carnaval De 1890 Norberto Luzuriaga* (?-1907)
o Iñauteriak 2008 José Luis Ocón (1942—)
* Fandango Eta Arin Arina Ezezagunak*
o Trikitilariak: Eneritz Bengoetxea eta Edurne Errandonea
o Dantzariak: Uxue eta Aitor Arrieta anai-arrebak
* Kantuz Jiran:
o Behin batean Loiolan Indalezio Bizkarrondo, Bilintx (1831-1876)/Herri doinua***
o Iturengo arotza Herri kanta***
o Kantariak: Irati Odriozola eta Ane Badiola
* Imanol Muñoz Otaegi Gogoan:
o Haurren dantza. Raimundo Sarriegi****(1838-1913)
o Begi urdin bat Bitoriano Iraola (1841-1919)/Raimundo Sarriegi****
o Dantza eta kanta: Groseko Kaldereroak
* Zuzendaria: Jose Ignazio Ansorena Miner
* Moldaketak:
o *Jose Ignazio Ansorena
o **Txomin Agirregomezkorta
o ***Jagoba Astiazaran
o ****Jose Mari Oiartzabal

Laguntzaileak: Donostia Kultura eta Donostiako Musika eta Dantza Eskola.
Babeslea: Kutxa.
Tokia: Konstituzio Plazan.
Ordua: 20:30etan.
Sarrera: Dohain.

Bihar berriz Zugarramurdin, dantzatuko du Gure Txokoa Dantza Taldeak. 12.30tan ospatuko den meza nagusiaren sarrera eta irteeran arkua egingo diete agintariei Gure Txokoako Dantzariek eta ondoren Bordondantza eta Euskaldunak eta Sorginak dantzatuko dute. Segidan Zugarramurdiko dantzari ttikiek beren dantzak erakutsiko dituzte.

Arratsaldean aldiz, pilota partiduen ondotik dantzatuko dute Beratarrek eta 10 dantzez osatutako jaialdia antolatu da. Dantzak Zugarramudiko plazan izango dire 7ak-7 t'erdiak aldean.
Zugarramurdira agertzera animatzen zaituztegu!

Gure Txokoa Dantza Taldearen Bestatako Jaialdia 2010

2010-08-14T12:51:00.006+02:00

Berako Eztegara Frontoia ttiki gelditu zen Gure Txokoa Dantza Taldeak urtero Herriko Bestetan egiten duen dantza jaialdia ikusteko. 1000 ikusle inguru bildu ziren aurtengo ikuskizunaz gozatzeko eta jende aunitzek xutik ikusi behar izan zuen emanaldia. Jendea ikusitakoarekin gustora gelditu zela erran dezakegu bukaeran eskeinitako txaloei esker.

13 dantzek osatu zuten ekitaldia eta 6 urteetatik 23 urte bitarteko 150 dantzari inguruk parte hartu zuten, Berako Txistulariak, akordeoilariak, Ezpelur Gaiteroak eta gainontzeko musikariez gain.

Egitarau honako hau izan zen:

1- AGINTARIENA
2- ARKU DANTZA
3- GIPUZKOAKO MAKIL TXIKIENA
4- ARIN-ARIN
5- ZAPATAGI
6- GIPUZKOAKO MAKIL HANDIENA
7- SIAMSA
8- ORBAIZETA
9- ERRENKAN
10- VILLABUENAKO PALOTEATUA
11- FANDANGO
12- SCOTISH
13- RETRETAN

Bailes en el día del patrón, San Esteban

2010-08-14T12:33:00.006+02:00

Además de la Bordondantza, Aurresku y Makildantzak, volvió a bailarse la bandera por segunda vez el día grande.

texto y fotos aitor arotzena - Miércoles, 4 de Agosto de 2010

Bera. El Baile de la Bandera, tradicional en Bera el día del Corpus, se bailó por primera vez el día de San Esteban del año pasado. Y como las novedades se convierten en tradición al cabo del tiempo, este año Rafa Etxeberria bailó la bandera local por segunda vez tras la misa. Antes, las autoridades municipales, con el alcalde Josu Iratzoki a la cabeza, acompañado por el resto de corporativos, el párroco Luis Aizpuru, el abanderado Rafa Etxeberria, la alabardera Marisol Taberna y la pequeña Julia Artieda Vila, que ejercía de paje, junto con los txistularis y dantzaris del Gure Txokoa, realizaron el trayecto entre el Ayuntamiento y la iglesia de San Esteban. Tras la misa, la comitiva oficial desandó el recorrido hasta el ayuntamiento, pero antes de izarla al balcón principal, el concejal Rafa Etxeberria bailó la bandera, al son de los txistularis, tras dejar el fajín y demás atributos en manos de Julia Artieda y el sombrero a su sobrino Aimar Etxeberria, que acompañaba al edil porque le hacía ilusión en su último año de legislatura. Tras el corto baile mirando a la iglesia, recibió el aplauso de los beratarras que llenaban la plaza.

Tras izar definitivamente la bandera en el ayuntamiento, los mayores del Gure Txokoa bailaron la Bordondantza, con Iñaki Eskudero Olaziregi al frente. Junto a él, bailaron la Bordondantza Iñigo Erkizia, Jon de la Cruz, Xabier Altzuri, Mikel Goienetxe, Mikel Agara, Ibai Iturria, Jon Irazoki, Imanol Moreno, Julen Baleztena, Patxi Castillo, Mikel Morcillo, Iñaki Eskudero, Iñigo Arana, Asier Andueza y los noveles Javier Pikabea e Ibon Erdozain, que con 15 años bailaban por la mañana por primera vez, tras estrenarse en el Aurresku del año pasado.

Para Iñaki Eskudero, que precisamente cumplirá 23 años hoy, la Bordondantza es un baile duro, porque "hay que tirar de todos los compañeros y conforme el baile se alarga, los compañeros cada vez tiran más". Aunque casi todos los dan-tzaris rondan la misma edad, en el puesto de delante se van turnando por orden de experiencia. "Creo que hemos pasado todos los de mi edad -señalaba Eskudero- y el año que viene le tocará a uno más joven". Al ser unos bailes que han mamado desde pequeños, tampoco realizan demasiados ensayos y empiezan a juntarse un par de semanas antes.

Tras la Bordondantza, llegó el turno de las Makildantzak de Bera. En estos bailes, se mezclan el grupo de los mayores con los más pequeños, más de 40 dantzaris. El propio Iñaki Eskudero y Jon de la Cruz daban los últimos consejos y realizaban un pequeño ensayo antes de que finalizara la misa. Y es que el día de San Esteban, como el festival de la víspera, es el examen final de los pequeños dantzaris que ensayan durante todo el año. En Bera se bailan diez Makildantzak, entre las que están las llamadas Mitzeltene, Mutildantza, Hiru Txito o Zagidantza. Aunque el suelo estaba mojado y todos acabaron con las espartzinas empapadas e incluso, alguno sin el calzado, los dantzaris de todas las edades recibieron un caluroso aplauso cuando finalizaron con su tarea. Tras los bailes, mientras dantzaris y autoridades daban buena cuenta de un lunch preparado por el Ayuntamiento, los bertsolaris Andoni Egaña y Sebastian Lizaso cantaron desde el balcón del Ayuntamiento.

Aurresku vespertino Tras la comida, fue el turno del Aurresku que ofrecen los dantzaris del Gure Txokoa. Además de los chicos que bailaron a la mañana, también lo hizo Ander Rodríguez. Imanol Moreno y Asier Andueza fueron los capitanes, y bailaron el Aurresku a las capitanas de las chicas, Leire Barrutia e Ixone Telletxea. Junto a ellas, participaron en el baile Amaia Izquierdo, Ainara Velez, Amaia Espinosa, Gurutze Andueza, Estibaliz Sanchez, Izaskun Zubieta, Ainhoa Lanz, Ainhoa Retegi, Idoia Irazoki, Aitziber Esnaola y las tres debutantes, Maddalen Jiménez, Izaskun Agara y Eila Sagastibeltza. Una de las chicas capitanas, Leire Barrutia este año, tiene una especial responsabilidad la tarde de San Esteban, ya que invita en su domicilio a café al resto de las chicas y a los dos capitanes y los txistularis. Tras el café y refrigerio, van en kalejira hasta la plaza para bailar.

Iturria: Diario de Noticias. Aitor Arozena.

Bidasoaldeko XIV. Nazioarteko Gazteen Folklore Jaialdia

2010-07-21T23:36:00.004+02:00

Bidasoaldeko XIV. Nazioarteko Gazteen Folklore Jaialdia

Bidasoaldeko XIV. Nazioarteko Gazteen Folklore Jaialdia

EGUNA: Uztailaren 26a, astelehena

Ordua: 20:00
Lekua: Altzateko plaza (eguraldi txarra eginez gero, Altzateko pilotalekuan)
Talde parte-hartzaileak: Ethnos (Skopje, Mazedonia); Timisul (Timisoara, Errumania) eta Eraiki Dantza Taldea (Irun, Euskal Herria)
Antolatzailea: Eraiki Dantza Taldea
Laguntzaileak: Berako Udala Cadena Ser-Irun; Gipuzkoako Foru Aldundia eta Eusko Jaurlaritza
Argibide gehiago: www.festivalfolklorebidasoa.com
TALDEAK

Ethnos (Skopje; Mazedonia)

Etnos 2000an sortu zen Skopjen, Mazedoniako hiriburuan. Talde honen helburu nagusia Mazedoniako ohiturak eta kultura Europan barna zabaltzea da. Taldea 150 lagunek osatua da, 7-18 urtekoak, maila ezberdinekoak. Etnosek 400 ikuskizun baino gehiago eskaini izan ditu Mazedonian eta mugaz haraindi: Frantzia, Alemania, Finlandia, Ukrania, Polonia, Italia, Austria, Errumania, Eslobakia, Txekiar Errepublika, Turkia, Bulgaria eta Kroazia.

Etnos taldea Mazedoniako hainbat eskualde ordezkatzen ditu, eta bere kultura aberatsa erakusten du. Bera janzkera era askotarikoa da eta honek dantza eta abesti ezberdinak eskaintzeko aukera ematen dio.

Etnos taldea hagitz goraipatua izan du parte hartu duen jaialdietan eta batzuetan ere sariduna izan da; esaterako, Lebork-en (Polonia) saritua izan zen bere koreografia eta jantziengatik.

Timisul (Timsoara; Rumanía)

1996an sortu zen Timisoarako Kultur etxean antolatutako dantza ikastaro batetik hautatutako haurrekin.

Gaur egun Timisoara eskola guztietako haur, musikari, abeslari eta dantzariek osatua da. Bertako ohitura eta tradizioak aurkezten dizkigute euren ikuskizunetan.

Orkestrak taldea laguntzen du, estatuko eskualde guztietako musika folklorikoak interpretatuz. Hainbat dantza eskaintzen dizkigute: Banat, Ardeal, Moldova, Oas eta Bihor.

Orain arte taldeak haurren Banateko hainbat jaialditan parte hartu du (Timisoara, Buzias, Resita, Caransebes, etab.), Oradea, Sibiu eta Arad eta nazioarteko manifestazio folklorikoetan; esaterako, Fantzia, Turkia, Grezia, Serbia, Hungaria, etab.

Eraiki Dantza Taldea (Irun; Euskal Herria)

Eraiki Dantza Taldea 1978 inguru zen, Irungo Behobia auzoko gazte talde batek Eraiki Dantza Taldea sortu zuenean, hasieratik Euskal Herriko folklorea bizirik mantentzeko lanetan aritu den taldeetako bat izan dena. Gaur egun 150 bat dantzari ditu, 5 urtetatik helduetaraino direnak. Antzezten duen folklorea Euskal Herria osatzen duten 7 probintzietakoa da, betiere geure arbasoek utzitako ondareak ahalik eta era kutsagabeenean azaldurik, garrantzi handiena garaiko eta probintzia bakoitzeko jantziei eta musika instrumentuei emanez. 1997an Eraiki Dantza Taldeak lehenengo Bidasoaldeko Nazioarteko Gazteen Folklore jaialdia antolatu zuen, helburu nagusiena munduko kultura eta ikuspuntu ezberdinak ezagutzea zelarik, horretarako erabiltzen den tresna nagusia folklorea delarik.

Larraindantza ensaioak

2010-07-20T18:13:00.005+02:00

Aupa,
urtero bezala Gure Txokoa Dantza Taldeak Larraindantza edo La Erako ensaioak prestatu ditu herriko bestetan dantza herrikoietan parte hartu nahi duen jendeari zuzenduak.

Ensaioak ondorengo egunetan izango dira:

Uztailak 21 asteazkena, uztailak 23 ortzirala eta uztailak 28 asteazkena.
Arratsaldeko 8tan Eztegara pilotalekuan

Animatu!

Hola,
siguiendo con la tradicion de los ultimos años, Gure Txokoa Dantza Taldea ha organizado tres ensayos para aprender el baile de La Era o Larraindantza dirigido a todos ellos que quieran participar en los bailes populares de fiestas de Bera.

Los ensayos seran los siguientes dias:

21 de julio miercoles, 23 de julio viernes y 28 de julio miercoles.
A las 8 de la tarde en el fronton Eztegara.

Animaros!

Dantzetako arropa trukea

2010-07-05T17:49:00.004+02:00

DANTZETAKO ARROPA TRUKEA !!!

Erabiltzen ez duzun dantzetako arropa etxeko armairua duzula? Hautsa hartzen ari dela? Aurtengo abuztuko saiorako trajerik ez duzula eta bilatzen hasteko perezarekin? hona hemen Gure txokoa dantza taldeak eskaintzen dizun aukera bat; ARROPA TRUKEA...

-Hiru txanda egingo ditugu truke hau guztiontzat errazen egiteko asmoz.

1.txanda- 2010 Uztailaren 12an, (18:30tatik 20:30tara) Gure txokoa-ko lokalean (frontoia) erabiltzen ez dituzuen arropak jasoko ditugu; mutil zein neskeenak, arropa zein oinetakoak, ttikienetatik zaharreneraino. Jantzi bakoitzarengatik “bale” bat jasoko duzue, hurrengo txandan erabiltzeko.

2.txanda-2010 Uztailaren 14an, (18:30tatik 20:30tara) Gure Txokoa-ko lokalean, zuen “baleak”, lortu ditugun arropengatik trukatu ahalko dituzue.

3.txanda-2010 Uztailaren 15an, (18:30tatik 20:30tara) Gure txokoa-ko lokalean, “bale”-rik ez duzuenak, soberan gelditu diren trajeak eskuratzeko aukera izango duzue 5€-ren truke.

Eskaintza interesgarri zaizuelakoan, jaso ezazue gure agurrik beroena,

Gure Txokoa dantza taldea.

/--------------------------------------------------------------------------------------------------/

¡ TRUEQUE DE LA ROPA DE DANTZAS !

Gure Txokoa os ofrece la oportunidad de hacer un “trueque” de la ropa de danzas. Admitimos calzado y ropa, desde las tallas mas pequeñas hasta las mas grandes.

Para que este “trueque” sea lo mas justo y simple para todos nos reuniremos en tres ocasiones;

1-reunión; el 12 de Julio del 2010, (de 18:30 a 20:30) en el local del Gure Txokoa (frontón) nos juntaremos para recoger toda aquella ropa que no necesitéis, o utilicéis y a cambio recibiréis un “vale” que os servirá para la siguiente ocasión.

2-reunión: el 14 de Julio del 2010 (de 18:30 a 20:30) nos reuniremos en el local del Gure Txokoa, para cambiar el “vale” recibido por la ropa que os convenga.

3-reunión; el 15 de julio del 2010 (de 18:30 a 20:30) nos reuniremos en el local del Gure Txokoa para que aquellos que no hayan obtenido un “vale” puedan comprar el resto de la ropa, por valor de 5 € cada prenda.

Esperamos os interese la propuesta, un cordial saludo;

Gure txokoa dantza taldea.

Hurrengo emanaldia Altzateko bestetan eginen du Dantza Taldeak

2010-06-19T12:09:00.005+02:00

Lan eta lan dabil Gure Txokoa Dantza Taldea, gogotik entsaioetan eta gelditu gabe han eta hemen saioak eskainiz. Martxoararen 28an Zaldibiko Dantzari Ttiki Egunean izan ziren, eta maiatzaren 29an Ibarrakoan. Maiatzaren 30ean, berriz, Hondarribia Dantzan IV. Jaialdian parte hartu zuten, eta ekainaren 6an Andoaingo Dantzari Ttiki Egunean. Baigorriko Nafarroaren Egunean ere ez zuten hutsik egin, giro bikainean hantxe ibili baitziren Inude eta Artzainak. Eta Altzateko bestetan ere emanaldia eskainiko dute. Baina prestaketekin ere burubelarri dabiltza. Duela hilabete batzuk abian paratutako helduen ikastaroak, erraterako, harrera bikaina izan du eta 22 eta 50 urte arteko 30 lagunetik goiti biltzen dira ortziralero Eztegarako frontoian, 19:30etik aitzinera –ikusi 1. argazkia–. Dagoeneko muxiko batzuk, zortzikoa eta arin-arina dantzateko gai omen dira gainera, eta erantzuna ikusita, ekainean luzatzea pentsatu dute, eta uztailean ere entsaioak egitea ez dute baztertu. Eta Gure Txokoa Dantza Taldetik adierazi digutenez, oraindik ere apunta daiteke. Iturria: Ttipi-Ttapa

Helduen ikastaroan dabiltzan dantzari berrietako batzuk. Argazkia: Gure Txokoa Dantza Taldea

Zaldibiko Dantzari Ttikira joandako dantzariak. Argazkia: Gure Txokoa Dantza Taldea

Gure Txokoa XXXI. Nafarroaren Egunean

2010-04-19T10:09:00.006+02:00

Gure Txokoa Dantza Taldeak Baigorrin (Behe Nafarroa) ospatzen den XXXI. Nafarroaren Egunean parte hartuko du. Bertan Berako inauterietan ohikoak diren Inudeak eta Artzaiak egonen dira Momo Erregea buru dutelarik.

Goizeko 11tan Kabalkada edo desfilea izanen da Baigorriko kaleetan zehar eta 12etan Elizako Plazan beren kantuak eta dantzak eskeiniko dituzte Beratarrek.

Egitarau osoa ondorengo irudian klikatuz ikusgai duzute. Bertzela, informazio guztia ondorengo web gunean aurkitu dezakezue: http://basaizea.com .

Una renovada Casa de Cultura en Bera

2010-04-19T09:45:00.003+02:00

Los vecinos abarrotaron el edificio en su reapertura el pasado viernes por la tarde. Grupos culturales, musicales y el Aspace-Uxane fueron los encargados de la animación del acto, 20 años después de su inauguración

Vecinos de Bera abarrotaron la Casa de Cultura en su reapertura el pasado viernes, para la que se organizó un nutrido programa de actos con la participación de distintos grupos culturales de la localidad.

Han pasado 20 años desde que la Casa de Cultura de Bera abriera por primera vez sus puertas. En este aniversario luce un nuevo aspecto, tras las obras que se han llevado a cabo en los últimos cinco meses.

La efeméride y la reapertura contaron con un programa especial. Un poco antes de las siete de la tarde, el grupo de Trikitilaris de la escuela de música Isidoro Fagoaga animaba el exterior del recinto. Mientras en su interior, alumnos del programa de teatro escolar Antzerkia eta Eskola, interpretaban diversos papeles: actrices maquillándose ante un espejo, el equipo de vestuario, fotógrafos...

El acto comenzó con la proyección de un vídeo en el que se repasab a toda la actividad que ha acogido durante estos últimos años la Casa de Cultura: música, teatro, dantza, el festival de otras músicas Ertz, bertsolaris, charlas..., y también la entrega de los premios del festival de cortometrajes del Bidasoa o una de las sesiones anuales de Euskaltzaindia.

Actuaciones

Los componentes de Berako Abesbatza fueron los primeros en salir al escenario y tras ellos, el grupo de teatro de Aspace-Uxane, que una vez más demostró que con ingenio y pocos medios se puede interpretar de forma digna e incluso provocar sonrisas. A continuación se pudo ver una vídeo-creación del colectivo de arte Ertz, escuchar al gru po de violines de la escuela de música Isidoro Fagoaga, ver a los dantzaris del Gure Txokoa, escuchar a los bertsolaris de la Bertso Eskola de Bera y a la coral de los alumnos de la Escuela de Música.

Intervinieron el alcalde de la localidad, Josu Iratzoki y el concejal de Cultura, Jon Abril, así como el director general de Cultura del Gobierno de Navarra, Pedro Luis Lozano. Los dos primeros destacaron la labor que se viene realizando los últimos años en el ámbito cultural en Bera, y sobre todo el papel de las asociaciones culturales. Como colofón actuó la Banda de Música y todos los asistentes pudieron disfrutar de un lunch en el también renovado, antiguo matadero.

Para la renovación de la Casa de Cultura se ha realizado una inversión de unos 250.000 euros. Ésta es la segunda fase de acondicionamiento de la Cas a de Cultura, en la que se ha remodelado la primera planta.

Se ha construido una grada en el teatro, se han colocado nuevos asientos (207 incluidos 4 para minusválidos) y se ha remodelado el equipamiento escénico (material audiovisual y de iluminación, telones y sala técnica). Además, debajo de la grada se ha creado un almacén. Las obras de esta segunda fase han sido subvencionadas en un 50% por el Gobierno de Navarra, y por el Ayuntamiento de Bera. En una tercera fase se instalará un montacargas, se acondicionarán los aseos, y se construirá una nueva oficina.

Iturria: Alicia del Castillo, Diario Vasco

Berako kultur etxeko reinaugurazioa

2010-04-16T09:38:00.002+02:00

Gaur ortzirala, Gure Txokoa Dantza Taldeak Berako kultur etxeko reinaugurazioan parte hartuko du bere dantzak eskeiniz.

Kultur etxean berritze lanak egin dira areto nagusian harmailak jartzeko eta kultur etxe eraberrituari hasiera emateko gaur arratsaldeko 19:00tan herriko hainbat talde eta erankundek parte hartuko dute Berako dantzariak tartean direlarik.

Saioa 19:00tan hasten bada ere Gure Txokoako dantzariek ez dute 19:30ak arte dantzatuko.

Helduentzako euskal dantza ikastaroa antolatu du Gure Txokoa dantza taldeak

2010-03-30T17:37:00.004+02:00

Herriko bestetan plazan egiten diren dantzaldietan edozeinek dantzatzeko aukera izatea eta plaza dantzariz betetzeko helburuarekin 16 urtetik goitikoentzat dantza ikastaroa antolatu du Gure Txokoa dantza taldeak Bi hilabetez zortzi klase emanen dira, ortziraletan 19.30ean Eztegara pilotalekuan.

Ideia da, arin-arin, fandango, zortziko eta gisako dantzak erakustea hauek ez dakizkiten pertsonei.

Izen ematea apirilaren 7a baino lehen egin behar da, Errekalde, Kataku, Xuga, Labezar edo Saroben.

Lehenengo ensaioan 10 euro ordaindu beharko da, ikastaro bukaeran afari bat egiteko asmoarekin. Informazio gehiago 662 506 398 telefonoan eskura daiteke edo gure emailera (guretxokoadantza@gmail.com) idatziaz.

Izen emateak ere email horretara idatziaz egin daitezke.

Konpromisorik gabe etortzera animatzen zaituztegu, probatu ezazue eta izerdi gutti batzukin plazetan dantzatzeko gai izanen zarete.

Animatu!

Inude eta Artzaien konparsak ederki girotu zituen Berako kaleak

2010-02-17T18:18:00.009+01:00

Urtero bezala inauteritako igandean ederki apaindutako inudeak eta artzai "gihartsuak" atera ziren Berako kaleetara. Beren dantza eta kantuekin bikain alaitu zituzten herriko kaleak, Momo Erregea lekuko zutelarik. Goizeko 10etatik ordu biak arte Zubiondo Jatetxeko ilar gorriak merezimendu guztiarekin irabazi zituzten. Gainera, besta segitzeko gogoz arratsaldeko 6tan ere herria zeharkatu zuen konparsa bereziak.

Altzaten jende pila bildu zen konparsa ikusteko. Argazkia: Gure Txok oa Dantza Taldea

Ezin hobeki joan zen 2010eko inauteri igandea. 49 bikotek osatu zuten koloretako ilara, 2009an baino 5 guttiago, eta hala ere pasa den urtean baina jende gehiago elkartu ginen konparsan ateratako jendeari esker. Horrela bazkaltzeko garaian 130 pertsona inguruk dastatu zituzten Zubiondotarren ilar goxuak.

Beren paperetan ederki sartu ziren Berako gazteak. Argazkia: Pepi Etxegarai

Momo erregeak aginduta eta honen bi laguntzaileen begibistan, elizaren izenean jende ugari agertu zen; Erromatik bereziki etorritako gotzaina, apeza, eta pare bat fraide. Ezkontza bat ere elkartu zitzaigun eta hilerrian aurkitutako alarguna ere bai. Txanogorritxu alai zioan, normalean baino "alaiago", eta hauek guztiak mehatsatzen deabrua ere bai.

Momo erregeak argitasun handia zabaldu zuen. Argazkia: Pepi Etxegarai

Igeltsero talde bati esker trafiko arazorik ez genuen sortu, hauek udaltzainaren lana "ederki" bete baitzuten.

Agerran eta Ilekuetan herritarrek jatekoak eta edatekoak eskeini zizkiguten. Argazkia: Pepi Etzegarai

Bazkaria giro onean joan bazen, bazkalostean, pattarra probatu eta gero eta goizeko 0ºC -ak ahantzita, arratsaldeko zitarako prest ginen denak eta goizean baino ozenago aditu ziren inude zein artzaien ahotsak. Horrela, goizean egondakoetatik bizpahiru baja bertzerik ez ziren izan.

Zubiondo-ko goiko solairua bete egin zen. Argazkia: Gure Txokoa Dantza Taldea

Inudeen haurtxoek botatzen zituzten malkoak justifikazio errexa zuten: Urte bete espetu beharko dugu Beratarrak Momo Erregearen erokeria berriz ere ikusteko.

Ezkondu berria ederki ospatu zuen bere ezkontza. Argazkia: Diario Vasco

IÑUDEAK ETA ARTZAIAK 2010

2010-02-03T16:55:00.005+01:00

Aurten ere inauteriak gainean ditugu eta horiekin batera hainbat ekitaldi eta ongi pasatzeko aukera piloa. Gure Txokoa dantza taldeakoek, OTSAILAK 14-an ospatuko den IÑUDE ETA ARTZAIEN egunean parte hartzeko proposamena zabaltzen dugu, dantza eta besta giroan Beran egun polit bat pasatzeko.

Horretarako, aurten ere, ensaio egunak jarri dira eta ENSAIOETARA ETORTZEA BEHARREZKOA IZANGO DA APUNTATU ETA PARTE HARTU AHAL IZATEKO.

Ensaio egunak hauek dira, EZTEGARAKO FRONTOIAN:

-Asteazkena 10, 20:00-tan

-Ortzirala 12, 20:00-tan

Konparsan atera nahi duenak ere ensaiotara etorri beharko du apuntatzera. Gure Txokoa dantza taldeak, hainbat mozorro ditu parte hartu nahi duenari uzteko.

Oharra: Apuntatzeko nahitaez ensaiotara etorri behar da eta BAZKARIRAKO 10 €-ko FIDANTZA eman behar da.

Denen artin giro bikaina sortuko dugu!

Ongi pasatu inauteriak!

Boletoen zenbaki sarituak

2010-01-09T15:06:00.003+01:00

Azken hilabete hauetan, atzerrira bidai bat egin ahal izateko laguntza bezala boleto batzuk saldu ditugu. Boletoak zioen bezala:

Irabazleak urtarrilaren 6an egingo den "El Niño" loteriako lehenengo 3 sarietako azken alu zifra berdinak dituztenak izango dira.

Zenbaki sarituak hauek dira ondorioz:

- 1. saria: 2 lagunentzeko gaua landa etxe batean.

8588 zenbakia

- 2.saria: Urdaiazpekiko bat

2653 zenbakia

- 3.saria: Saski eder bat

0349 zenbakia

El Niño-ko loterian 12 3. sari daudenez zozketa egin dugu 12 sarituen artean eta 0349 zenbakia izan da saritua.

Saria jasotzeko email bat bidali ezazute guretxokoadantza@gmail.com posta elektronikora. Hilabete bateko epea dago saria jaso ahal izateko.

Zorionak irabazleei!

Olentzero

2009-12-23T16:47:00.003+01:00

Bihar ortzeguna, abenduak 24, urtero bezala Olentzerok bisitatuko gaitu beratarrei, eta ohi denez harrera egingo diogu arratsalde guztian zehar.

2002an beratarrak Olentzeroa kantatzen Herriko Etxea plazan. Argazkia: Rosa Mari eta Totono Errandonea.

Herriko haurrek, bazkalondoan hasita beraien kantuak eskeiniko dituzte herrian barrena eta arratsaldeko 17:00tan elkartuko dira denak Herriko Etxea plazan elkarrekin Olentzeroa kantatzeko.

18tan berriz helduen txanda ailegatuko da. Iamoteneatik hasita, herria zeharkatuko dute hiru ahotsetara Olentzeroa abestuz.

Beraz adi egon beratar hori...

"Leihoak eta ateak ireki jauna.... poooooooooommmm!!!!
Eta bota, bota ur tatxak..... poooooooooommmm!!!!"

Olentzero eta Dios te Salve entseiuak

2009-12-20T21:27:00.003+01:00

Olentzero eta Dios te Salve entsaioak izanen dira aste honetan 24 eta 31rako ahotsak afinatzeko.

Iamotenean (Gure Txokoa Elkartea), izango dira entseiuak 21, 22 eta 23an (bihar astelehena hasiko dira beraz) arratsaldeko 20:00tan.

Eguberri, eguberri, berri...

2004ko Olentzeroan kantatu zuten gehienak kaletara kantatzera ateri aintzinetik egiten den ensaioan. Bertzeak bertze argazkian: Jesus Goikoetxea, Patxi Errandonea, Josu Goia, Matxiarena, Susperregi, Korta, San Juan, Iturria, Alberto Retegi... Argazkia: Rosa Mari eta Totono Errandonea.

Ttikienen taldea osatzeko 22 haur berri izen eman dute

2009-12-19T16:07:00.006+01:00

Goiza arrakastatsua gaurkoa Iamotenean. Berako haur eta gaztetxoek hitzordua zuten dantzetan izen emateko eta gogotsu joan dira beren burua apuntatzeko asmoz.

Eguerdirako mahaia paperez bete zaigu. Argazkia: Gure Txokoa Dantza Taldea

Pasa den urtean dantzatzen zuten haurren gehiengo nabarmena, denak ez errateagatik, dantzatan jarraituko dute 2010ean ere. Gainera, talde haueri azken urtetan dantzatu ez zuten batzuk ere izen eman dute, honenbertzez dantzari kopurua handiagotuz.

Baina eguneko poza, gaztetxoenek eman digute, izan ere 2004an jaiotako 22 neska-mutiko utzi dute beraien izena Gure Txokoa Dantza Taldearen zerrendetan, eta horietatik 8 mutikoak dira. Beraz azken urte horietan Beran jaiotako haur gehienak dantza egiten dutela erran dezakegu dudarik gabe.

Badakigu hala ere izen ematera etorri ez diren haur eta gaztetxoak daudela eta apuntatzeko asmoa dutenak. Horiei, faborez eskatzen diegu lehenbailehen gurekin harremanetan jartzea email bidez edo eskoletara banatutako oharran agertzen den telefono zenbakira deituz.

Hemendik aste batzuetara, klaseak hastean, haur eta gaztetxo kopuru zehatzak argitaratuko ditugu blog honetan bertan.

Urtarrila hasieran, taldeak osatu ondotik deituko ditugu dantzari guzti hauek ordutegiak antolatzeko asmoz.

Haur eta gaztetxoen dantza ikastaroetarako izen ematea

2009-12-10T00:30:00.012+01:00

Gure Txokoa Dantza Taldean dagoeneko 2010-an pentsatzen gaude. Urtero bezala garai hauetan izena emateko ordua ailegatu da.Dantzari ttikienek ikasten duten lehenengotariko dantza Txulalai da. Argazkia: El diario Vasco

Zuen semeak edota alabak 2004an edo lehenago jaioa bada (2010an gutxienez 6 urte beteko dituztenak), aukera ezin hobea du Berako ekintzen artean jende gehien mugitzen duenetako bat egiteko. Euskal dantzak eta Berako ohiturak ikasteaz gain, giro alai eta atsegin batean, lagun pila egin ahal izango dute. Astean zehar, irakasleekin adostutako ordu eta egun batean, haurrek, Berako bestetan, auzokoetan, “dantzari ttiki”-an... parte hartu ahal izateko dantzak entsaiatuko dituzte.

Zuen seme edo alabak euskal dantzak ikasi nahi baditu etorri izen ematera ondoren adierazten den egun eta orduan (LEHENGO URTEAN DANTZA EGITEN ZUTEN GUZTIAK ERE BAI APUNTATU BEHARKO DIRA):

- Tokia: IAMOTENEA (GURE TXOKOA ELKARTEA)

- Eguna: LARUNBATA, ABENDUAK 19

- Ordua: 11:00-13:00 BITARTE

Ziur gaude ez dela inor euskal dantzak probatzeaz damutuko!!!

Zalantzarik izanez gero azaldutako egunean argituko dizkizuegu edo bestela ondoko posta elektroniko helbidera jo:

guretxokoadantza@gmail.com

GURE TXOKOA DANTZA TALDEA

guretxokoadantza.blogspot.com

Aurtengo Berako XV. Dantzari Ttikian neskak dantzan. Argazkia: Gure Txokoa Dantza Taldea

2008an Ibarrako Dantzari Txikira egindako irteeran mutilen taldea. Argazkia: Joseba Mariezkurrenak utzitakoa

En el grupo de dantzas de Gure txokoa ya estamos preparando el proximo 2010. Como cada año por estas fechas ha llegado la hora de apuntarse.

Si vuestro hijo o hija es nacido en el 2004 o antes (aquellos que en 2010 cumplan 6 años o mas), ésta es una inmejorable ocasión para formar parte de unas de las actividades más participativas de Bera. Además de aprender las dantzas típicas vascas y las costumbres de Bera, podrán hacer nuevos amigos en un ambiente sin igual. Estos pequeños dantzaris, podrán participar en las fiestas de Bera, en las de los barrios, en el “dantzari ttiki”... demostrando lo ensayado durante todo el año. Los días y horarios de los ensayos se acordarán con el profesor para que todos los niños puedan acudir.

Para apuntar a vuestro hijo o hija a dantzas, venid el día y a la hora abajo indicados(TODOS LOS QUE BAILARON EL AÑO PASADO DEBERAN APUNTARSE DE NUEVO):

- Lugar: IAMOTENEA (SOCIEDAD GURE TXOKOA)

- Día: 19 DE DICIEMBRE, SABADO

- Hora: DE 12:00 A 13:00 HORAS

¡Estamos seguros que nadie se arrepentirá de venir a dantzas!

Si teneis alguna duda venid el día acordado para que os la solucionemos. Si no pudierais aparecer, poneros en contacto mediante esta cuenta de correo electronico:

guretxokoadantza@gmail.com

GURE TXOKOA DANTZA TALDEA

guretxokoadantza.blogspot.com

Markel Zapiain-ek bere taldekideak bezala, hanka ongi altxatzen badaki. Argazkia: Gure Txokoa Dantza Taldea Adin desberdinetako dantzariak biltzen ditu Gure Txokoa Dantza Taldeak. Argazkia: Goiko

Gure Txokoak, Iamoteneako ganbara utzi dio dantza taldeari, bertan bere ensaioak egin ahal izateko.

2009-12-03T17:36:00.004+01:00

Aurten Berako elkartearen eraikinan lanak egin dira bertako instalakuntzak hobetuz. Batzordeak orduan zegoen dantza arduradunarekin (Maria Barredo), egoitzako ganbara dantza taldeari uztea erabaki zuen, entsegu lokal bezala erabili ahal izateko.

Lokal berria garbitzen egon ziren batzuk. Argazkia: Gure Txokoa Dantza Taldea

Gure Txokoa Dantza Taldearen partez gure eskerrik beroenak elkarteko batzordeari eta Maria Barredo dantza ordezkari oihari.

Ganbara hagitz handia da, eta haurrak nahiz helduak entsaiatzeko balioko du. Orain gelaren egokitzapenaren txanda heldu da. Eraikinaren lanak egin eta gero, ganbara zikina eta trastez betea zegoen. Zorua, paretak... gure beharretara egokitzeko, lehenago garbitasun lanak egin behar ziren, eta horretan ibili ginen pasa den larunbat goizean.

Taldeko dantzariek bildu ginen, erratzak, trapuak, fregonak... hartuta eta goiza guztirako eman zigun garbiketarekin hasi ginen. Nahikoa txukun utzi genuela erran dezakegu.

Lokal berria ikusi daitekeen bezala, hagitz handia da. Argazkia: Gure Txokoa Dantza

Honen ondotik, gosari bat prestatu genuen indarrak berreskuratzeko, irudian ikus daitekeen bezala.Taldea Garbiketa eta gero, ederki gosaldu genuen elkartean. Argazkia: Gure Txokoa Dantza Taldea

Oraindik denbora bat pasako da ganara entsaiatzeko erabilgarria izan arte, baina lehen bailehen erabiltzen hastea saiatuko gara. Ondorioz, hemendik guttira Gure Txokoa Dantza Taldeak bi lokal erabili ahal izango ditu bere entsaioetako; frontoikoa eta orain, Iamoteneako ganbara.

Bretainiako bidaiaren laburpena

2009-11-10T23:17:00.001+01:00

Ortziral arratsaldean Bretainia aldera abitu ginen ittundar, aranztar eta beratar kuadrila eder bat. Denera 33bat lagun izanen ginen, musikari, dantzari eta joaldunen artean. Quimper-en genuen hotela eta bertara larunbatean goizeko 3ak aldera iritsi ginen.

Euskal Herritik joandako guztiak. Argazkia: Izaskun Zubietak utzitakoa

Lo pixkat egin eta hurrengo goizean ondoan dagoen Douarnenez herrira joan ginen. Bertako kaleetan joaldunen hotsa nabarmena zen, eta jendea harriturik gelditzen zen hango zaratarekin. Gibeletik dantzariek eta trikitilariek jarraitzen genien eta bertako biztanleak kontent gelditzen ziren gure euskaldun giroarekin. Erran behar da oso harrera ona egin zigutela eta atsegin haundiz jarraitzen zittuzten gure dantzak.

Neskek giro ederra jarri zuten beraien dantzekin: Argazkia: Izaskun Zubietak utzia

Quimper. Argazkia: Izaskun Zubietak utzia

Arratsaldean Quimper-eko karrikak alaitu genittun, nahiz ta eguraldia ez genuen lagun izan. Hemen ere joaldunak aitzinetik joan ziren, eta dantzariak eta trikitilariak euria egiten ez zuenean beraien gibeltik abiatzen ziren. Oraingo honetan ittundarrek beraien hartza kaleratu zuten eta bertako biztanle batek baino gehiagok ikare ederra hartu izanen zuen. Anekdota gisa aipatu behar da, joaldunak arratsaldeko saiorako prestatzen ari zirelarik, ondoan zegoen ezkontza batean bi ittundar dantzariek Aurreskua eskeini zietela ezkon berriei. Hauek harridura aurpegiarekin baina gusto handiz jarraitu zuten pausu bakoitza.

Iturengo joaldunak. Argazkia: Izaskun Zubietak utzia

Arratsean, afal ondoan lehendabiziko festibala eskeini genuen Pluguffan herrian. 8bat dantza egin genituen eta bertakoei aunitz gustatu zitzaien. Hauek bukatu eta gero, hemengo dantza batzuk erakutsi genizkien eta beraiek ere horrela egin zuten,bertako bi dantza ikasiz. Honela ba, giro onean amaitu zen lehenengo eguna, goizetik hasita arratsa arte dantza eta giro onean joan zena.

Igande goizin berriz ere Pluguffan herrira joan ginen. Goizean joaldunak eta hartza karriketan barna ibili ziren, liburu azoka zegoen tokira iritsi arte. Bertan hitz batzuk erran zittun ittundar dantzari eta joalduna den Jabierrek, eskerrak emanez. Aldi berean, bertako biztanleek hemengo jakiak probatu asmoz, urdaizpikua, gazta, sagardoa...jarri ziren mahai batean. Arrakasta izugarria izan zuen, segittuan akautu baitziren mahaian paratutakuak. Bazkal ondun bertze festibal ttiki bat eskeini genien eta amaieran, denak batean elkartu ginen, dantzari, joaldun eta musikariak eta Joxe Mari joaldunak esker onak emanez eta agurtzeko asmoz bertso emozionagarri bat bota zuen.

Segiduan bukatu ziren Euskal Herritik eramandako produktuak: Argazkia: Izaskun Zubietak utzia

Aipatu, gurekin batera, Iparraldeko bertze bi musikari joan zirela Bretainiara, akordeolari eta bateria jole bat. Hauen laguntzarik gabe, ez genuen hain giro ona jartze lortu izango.

Horrela ba, hau da asteburu motz honetan Bretainian izandako abenturak. Oso esperientzia atsegina izan da guztientzat, errepikatzeko modukua.

Berako dantzariak eta Arantzako trikitilariak: Argazkia: Izaskun Zubietak utzia

Hemendik gure eskerrak Arantzako trikitilariei jotzera animatu izanagatik; eskerrak baita ere Iturengo dantzari eta joaldunei horrelako aukera zoragarri bat eskeini izanagatik eta eskerrak denari hain giro ona lortu izanagatik!!!

Horrelako bertze aukera bat izango dugulakoan, ESKERRIK ASKO!!!

Berako dantzarik

Berako dantzariak Iturengoekin Bretainiara

2009-11-05T22:32:00.003+01:00

Bihar ortzirala, azaroak 6, Gure Txokoa taldeko bortz dantzari Iturengo dantzari eta joaldunekin batera Frantziako Bretaña penintsulara abiatuko dira. Quimper hirira joango dira zehazki, bertan liburu azoka bat ospatzen denez, dantzatzeko aukera izango dutelarik.

Larunbat goiz partean, Quimper ondoko herri batera desplazatuko dira bai dantzari eta baita joaldunak ere bertako kaleak alaitzeko asmoz, kalejira eta joaldun hotsekin. Arratsaldean, berriz, Quimper hiriko kaleak alaituko dituzte goizean egin bezala. Horretarako, Arantza eta Iturengo trikitilari eta pandero joleen laguntza izanen dutelarik.

Lehendabiziko festibala afal ondoan eginen dute. Agurrarekin hasiz, arin-arin, banako, gorulari, matelota, Zuberoako makildantza eta zortziko batekin amaituz. Ekitaldi hau akautu eta gero, bertako biztanleek hemengo dantza tradizionalak, abestiak, musika...erakustea nahi dutenez, giro ezinhobean amaituko da eguna.

Hurrengo goizean, berriz ere joaldunek Quimper-eko karrikak alaituko dituzte, ondotik dantzariek bigarren festibal bat eskeiniko dutelarik. Oraingo honetan, polkak, egi, kontradantza, euskaldunak eta sorginak, eta beste hainbat dantza egingo dituzte.

Bretainiako Quimper hiria. Aragazkia: Internetetik hartua

Beraz, asteburu mugittua baina giro onean joango dena izango dute Quimper-era doazen partaide guztiak. Erran beharra da, Berako dantzariak bortz neska bertzerik ez direla, nahiz ta gonbita mutiko zein neskari egin. Ea hurrengoan ere mutilak animatzen diren. Berako dantzariak: Maitane Erdozain, Andrea Plaza, Amaia Izquierdo, Aitziber Esnaola eta Izaskun Zubieta dira.

Ongi pasa!!!

Saskiaren zozketaren irabazlea

2009-10-31T14:28:00.004+01:00

Atzo ortzirala saskiaren zozketa egin genuen eta irabazlea IRATXE MIKELARENA suertatu zen, 06-A zenbakiarekin.

ZORIONAK!!!

Hemen beitian duzute ikusgai zozketaren bideoa:

Saski ederraren zozketa

2009-10-29T18:28:00.004+01:00

Saltzen ari garen boleto guztiez gain, tablero bat jarri genuen 72 x 2 zenbakirekin. Bertan 2€ -gatik partehartzaileak zenbaki bat bereizten zuen eta zozketa batean zenbaki saritua lortuko da.

Rifaren tableroa eta saskia Lurraren Egunean. Argazkia: Izaskun Zubieta

Lurraren Egunean zenbaki guztiak bete ez zirenez, Agara Janaridendan utzi genituen tableroa eta saskia. 3 egun gehiago espetu behar izan da zenbaki guztiek jabe izan dezaten eta dagoeneko zozketa egiteko aukera dugu.

Zozketa bihar ortzirala arratsaldeko 18:00ak inguru egingo da Gure Txokoa Dantza Taldeak Eztegara pilotalekuan duen lokalean. Lekuko bezala agertu nahi duenak zozketa ikustera hortxe du zita beraz.

Saski eder hau eramango du irabazleak. Argazkia: Gure Txokoa Dantza Taldea

Hala ere, irabazlea ezagutu bezain pronto berekin harremanetan jarriko gara. Gainontzekoek zenbaki saritua ezagutu dezazuten, Agara Janaridendan, Iamoteneako iragarki tabloian eta gure blog honetan, ohar bat jarriko dugu.

Zorte on denei!!!

Lurraren Eguna 2009 - Balorazioa

2009-10-29T17:58:00.005+01:00

Bikain joan zen aurtengo Lurraren Eguna Gure Txokoa Dantza Taldearentzat.

Festibala ederki atera zen eta jende pila bat hurbildu zen dantzak ikustera. Gainera dantzek harrera ona izan zuten ikusleen artean. Pena izan zen, ekitaldiak denboran atzeratu zirela. Honen ondorioz gure saioa ilunabarrean hasi zen eta argi natural gabe bukatu zen. Hasierako kalejirak ere giro ederra sortu zuen altzate guztian zehar eta jendea plazara hurbildu zuen.

Mutilek banakoa eta bainakoa dantzatzeko prest. Argazkia: Ibai Iturriak utzitakoa

Postuak ere ederki funzionatu zuen egun guztian zehar. Kokaleku egokiena ez bagenuen ere jende aunitz pasa zen gure postutik, gure pintxo, edari eta postreak jatera. Rifa, tonbola eta zozketetan ere jendeak ederki parte hartu zuen.

Pankarta bat egin zen jendeak postua zeinena eta zertarako zen ikusi ahal izateko. Argazkia: Ibai Iturriak utzitakoa

Gure postuak honako itxura hau hartu zuen. Argazkia: Izaskun Zubieta

Eskerrik asko beraz, dantzak ikustera joan zineten guztiei eta postutik pasatu zinetenei!

Bihar igandea Lurraren Eguna Beran

2009-10-24T14:52:00.001+02:00

Bihar igandea, XXIII. Lurraren Eguna ospatuko da Beran. Egun guztian zehar, eskulangileen azoka eta barazki erakusketa ikusgai izango da. Herriko bandak, eta musika eskolako hainbat taldeek kaleak alaituko dituzte beren musikarekin. Gazta eta sagardo lehiaketa ere izanen da. Eta eguneko azken ekitaldi gisa Gure Txokoa Dantza Taldeak emanaldia eskeiniko du Altzate plazan. Euria eginez gero postuak eta ekitaldiak Altzateko frontoian eta polikiroldegian izango dira.

Saio polita eskeiniko du Gure Txokoa Dantza Taldeak arratsaldeko 18:00tan, Beran aspaldian ikusi gabeko zenbait dantzekin. Kalejira bat eginen dugu ere bai, Iamoteneatik Altzateko plazaraino kalea girotu asmoz.

Argazkia: Gure Txokoa Dantza Taldea

Bertzalde, oroituarazi nahi dizuegu Gure Txokoa Dantza Taldeak postua jarriko duela Altzate plazan, atzerrira bidai bat egiteko laguntza lortzeko asmoarekin.

Bertan denetarik aurkituko duzute. Jateko pintxoak, pastelak, roskilak, bizkotxoak, postreak... eta eztarriak bustitzeko sagardoa, ardoa eta freskagarriak. Jokoak izanen dira haurrentzat eta hauei aurpegia margotzeko aukera ere bai.

Boletoak ere salgai izango dira 1€-ren truke eta El Niño-ren loteria eguna arte salgai izanen dituzute. Sariak hagitz interesgarriak dira: 2 lagunentzako gaua landetxe batean, urdaiazpiko handi bat, eta saski eder bat.

Bertzalde postuan bertan zozketak izango dira, rifak, lehiaketak eta tonbola ere bai. Sariak sekulakoak dira; Saski ederrago bat, ardo eta gasna loteak...

Eguneko azken orduetan txokolate bero bat bizkotxoekin hartzeko aukera izanen da eta gaztainak ere erreko ditugu, dantza taldearen saioa ikusi bitartean jateko.

Bertzerik gabe, gonbidatzen zaituztegu gure dantza emanaldia ikustera eta bidenabar gure postutik pasatzera. Ongi pasa!!!

Azken asteburuko ekitaldiak

2009-10-22T11:22:00.006+02:00

Pasa den asteburuan Gure Txokoa Dantza taldeak bere dantzak bitan erakusteko aukera izan zuen.

Ortziralean, Labiaga ikastolara Estonia, Turkia, Alemania eta Italiatik etorritako bisitariei dantza saioa eskeini zien. Kalejira batekin, bisitarien ordezkariak ikastolak Altzaten duen egoitzatik Koltur Etxearaino eraman zituzten. Bisitariek harridura aurpegiarekin begiratzen zituzten gure jantziak.

Ondoren, gainezka betea zegoen Kultur Etxean jada, saioa hasi zen. Ikastolako zenbait ikasle aurkezle papera hartu zuten eta bikain eraman zuten saioa euskeraz nahiz inglesez azalpenak emanaz. Ander Rodriguez dantzariak ere azalpenak eman zituen Alemanieraz.

Aurresku batekin hasi zen emanaldia, bisitariei eskeinitako aurreskua. Berako lau dantzarik, ikastolak egun honetarako prestatutako txapelak eskuan, kanpotarrei eskeini zieten aurreskua. Bukatzean eszenatokitik jaitsi eta lau herrialdetako ordezkariei eman zieten txapela. Txapela, Gure Txokoa eta Labiaga izenak zituen, egunaren datarekin eta bi laubururekin batera bordatuta. Atzerritarrek, saio guztia txapela buruan edozein modutan jarrita zutela pasa zuten.

Dantzak, zein baino zein txalotuagoa, aurkezpen eta trikitrixa doinuekin tartekatzen joan ziren eta bukatzeko ikastolako haurrek bi kanta abestu zituzten.

Saio ondotik, ikastolak dantzariak gonbidatu zituen Zalain Jatetxean egindako afarira. Bertan, giro alaiean, Berako dantzari, irakasle eta musikariez gain, irakasle kanpotarrak zeuden eta hitz batzuk erratera ausartu ziren. Egonaldia eskertu zoten ikastolari eta Euskal Herriko edertasuna eta jendea goraipatu zuten. Euskal Herriko kulturarako hitz politak izan zituzten, eta Gure Txokoa Dantza Taldearentzat zorionak eta txaloak izan ziren.

Esperientzia polita izan da Gure Txokoa Dantza Taldearentzat. Berako eta Euskal Herriko kultura erakusteaz gain, eta atzerritarrekin harremana egiteaz gain, Labiaga ikastola eta dantza taldearen arteko lotura handitu du eta erakutsi du herriko edozein erakunde edo talderekin lan egiteko prest dagoela.

Hemendik eskerrak eman ikastolari saioa egiteko jarritako erreztasun guztiengatik. Mila esker!

Ahal bezain abudo saio honetako argazki eta irudiak jarriko ditugu blog honetan.

Bertzalde, larunbatean Jon Zelaieta eta Usoa Zelaieta, dantzari, irakasle eta arduradun oihak elkarrekin ezkondu ziren. Gure Txokoa Dantza Taldeak, ohorezko aurreskua eta arkua eskeini zien Herriko Etxetik behitzerakoan. Hunkituta jaso zuten bi gazteek, oparitutako txapel eta painulu bordatua. Aipatzekoa da, gonbidatu guztiak euskal janzkera tradizionalekin jantzirik joan zirela eta horrek giro bikaina sortu zuen egun osoan zehar igande goizeko lehenengo orduak bitarte. Zorionak bikote!!!

Dantzari ezkon berriak jatetxea eraman zituen gurdi gainean. Argazkiak: Leire Barrutiak utziak

Gaur ortzila, ikastolako bisitariei eskeinitako saioa

2009-10-16T00:18:00.004+02:00

Gaur ortzirala, arratsaldeko 20:00tan Gure Txokoa Dantza Taldeak saioa eskeiniko du Berako Kultur Etxean.

Gure Txokoa Dantza Taldeak 1997ko abenduan Kultur Etxean egindako saioan. (Argazkia: Gure Txokoa Dantza Taldea)

Ikastolak eta dantza taldeak elkarlanean antolatuta, Berako dantzarien dantzak ikusgai izango dira. Ikastolak bultzatutako proiektu europear bati esker, Estonia, Turkia, Alemania eta Italiatik etorritako hainbat ikasle ditugu aste honetan bisitari Beran. Euskal kultura eta folklorea erakusteko asmotan Gure Txokoak emanaldia eskeiniko die.

Arratsaldeko 19:45tan kalejira bat eginez kanpotarrak ikastolak Altzaten duen egoitzatik Kultur Etxearaino eramango dituzte dantzariek, bertan 20:00ak inguruan saioari hasiera emateko asmotan.

Espero dugu atzerritarrak Beratik oroitzapen politak eramatea.

Zorionak Jon eta Usoa

2009-10-15T15:17:00.011+02:00

Gure Txokoa Dantza Taldeak aunitz eman digu hau osatzen dugunoi; folklore eta kultura ezagutzak, bidaiatzeko aukera, Bera ordezkatzeko aukera, denbora tarte onak zein baten bat ez hain ona ere bai, irriak, diskusioaren bat, bazkari zein afariak, urduritasunak, pozak... eta LAGUNAK.

2008ko Aurreskua. (Argazkia: Ayla)

Lagunak han eta hemen, berriak eta zaharrak, gazteak eta gazteagoak, onak eta hobeak. Zenbatuezinak dira lagun guztiak, eta zenbatuezina horietako batzueri zor dizkiegun eskerrak.

Horietako zenbait, talde nagusian zeuden haiek ziren gu dantzetan lehenengo aldiz hankak altxatzen ari ginenean edo txulalai ikasten genuen bitartean. Dantzari haiek, gure irakasle bihurtu ziren eta dantza zaletasuna sartu ziguten zainetan Otsagiko dantzak edo El Ziegokoak erakusten zigutenean. Irakasletik taldekidera pausua ematera bultzatu ziguten Bordondantza edo Berako Aurreskua irakasteko eta azkenean bizilegez lekukoa pasa digute taldea aintzinera eraman dezagun.

Orain gu gara helduen taldean gauden horiek, dantza irakasle horiek eta gaztegoei Bordondantza eta Berako Aurreskua erakusten diegun horiek. Orain gu gara San Esteban egunaren bezperan goiz joaten direnak etxera, txanpaina naranjarekin nahasten erakusten dutenak edota pastela gordetzen irakasten dutenak. Bidea ongi irakatsi digutenak izan ditugulako lagun moduan.

Guzti horrek eragiten du, zuentzat egun berezi diren horiek guretzat ere bereziak izatea. Zuek gaur sentituko duzuen poza eta zoriona, gure barne egotea. Horregatik, gaur 2009ko urriak 17, egun berezia da guretzat ere bai.

Dantzak elkartu dituenei zoriontasun handiena opa diegu. Pozez eta alaitasun handiarekin pasa dezaten eguna, eta udazkeneko eguerdi honek ekarriko duen segida orain artekoa baina zoriontsuagoa izatea.

Besarkada bana lagunak!!!
ZORIONAK!!!

JON eta USOA 2009/10/17

Gure Txokoa Dantza Taldea

Lurraren Eguna 2009

2009-10-15T14:39:00.009+02:00

XXIII. Lurraren Eguna-ko kartela eta egitaraua

Hau da 2009ko Lurraren Eguna-ren egitaraua. XXIII. edizioa da aurtengoa eta Gure Txokoa Dantza Taldeak bere saioa eskeiniko du arratsaldeko 18:00tan Altzateko Plazan.

23.Lurraren Eguna Bera

Urriaren 24ean Arratsaldez

-17:00etan Lizuniagako Igoera Lasterka

-19:00tan Barazki-Opil Lehiaketa eta Trikitilariak Alzateko Frontoian

Urriaren 25an Goizeko

-10:00etan Alzaten : Eskulangileen azoka eta barazki erakusketa.

-10:30tan :” Besta Berri eguna” Argazki Erakusketa Labiaga Ikastolan.

-11:00etan Gazta eta Sagardo lehiaketak Rikardo Barojan Eskolan.

- 9,30ak baino lehen ekarri behar dira gasnak eta sagardo botilak.

-Goizeko 11,00 tan Bera Trikitilari taldearan ibilaldia.

-Eguerdiko 12:00tan Musika Eskolako “30.urteurrenaren” Kalejira berezia.

-13:00tan: Berako Banda Alzateko plazan

Arratsaldez Alzateko Plazan :

-16:30tan Hipo eta Tomax Pailazoak “Herri Kirolak”lana.

-17,30 tan Sari banaketa, Enkantea eta Julen Zelaieta eta Jon Elizetxe Bertsolariak

-18,00 tan Gure Txokoako dantzarien emanaldia eta Trikidantz.

Euria bada ekitaldiak : Kiroldegian eta Alzateko Frontoian

Antolatzailea Gure Txokoa elkartea.

Laguntzailea Berako Kultur Batzordea

Lurraren Egunan ere Gure Txokoa Dantza Taldearen saioa

2009-10-15T01:03:00.005+02:00

Gure Txokoa Dantza Taldeak saioa egingo dugu urriak 25ean, igandean, Beran izango den Lurraren Eguna-n.

Urte batzuk ziren Gure Txokoako dantzariek elkarteak antolatutako saioan parte hartzen ez zuela eta aurtengoan berriz ere aukera izango du herritarren antzinean bere dantzak erakusteko.

Saioa Altzateko Plazan izango da arratsaldeko 18:00ak aldera. Hala ere minutu batzuk lehenago dantza taldeak Eztegara eta Altzate kaleak alaituko ditu kalejira bati esker.

Altzateko Plazan izango da saioa (Argazkia: Etxega (flickr))

Erran beharra da, dantza taldeak postua jarriko duela Altzateko plazan bertan, taldearen gertutasuna herritarrei agertzeko asmoarekin eta dantza bidai baterako laguntza lortzeko asmoarekin. Bertan, jateko eta edatekoez gain, zozketak, joku, lehiaketa eta abar aukituko ahal izango ditugu.

Hurrengo egunetan, Lurraren Eguneko saio honeri buruzko informazio gehiagoren berri emanen dugu.

Ikastolako bisitariei eskeinitako saioa

2009-10-13T16:22:00.014+02:00

Berako Labiaga Ikastolak eta Gure Txokoa Dantza Taldeak elkarlanean antolatuta Berako dantzarien emankizuna izango da urriaren 16an, ortziral honetan, arratsaldeko 20:00tan, Berako kultur etxean.

Berako kultur etxeko areto nagusia. (Arga zkia: www.berakoudala.net)

Berako Labiaga Ikastola elkartrukeko proiektu Europear batean bete-betean murgilduta dago, eta aste honetan kanpotarrak etxean jasotzeko bere txanda ailegatu da. Ez da lehenengo aldia ikastola horrelako proiektu batean sartuta dagoela, izan ere, azken hamarkadan hainbat herrialdetako ordezkariak jaso ditu, Suedia, Portugal, Errumania... esate baterako. Ikastolako ikasleak ere herrialde ezberdinak bisitatu dituzte proiektu hauen barrenean.

Labiaga Ikastolaren Eztegarako egoitza (Argazkia: www.berakoudala.net)

Pasa den asteburuan ailegatu ziren 14 urte inguruko gaztetxoak Berara. Alemania hegomendebaldeko Lindau hiritik, Estonia erdialdeko Türi herriatik, Izmir hiri Turkiarretik eta Italiako Napoli hiri garrantzitsuatik etorri dira aurtengoan. Hainbat ekitaldi prestatu ditu ikastolak inguruak eta euskal kultura erakusteko asmoarekin, eta Gure Txokoa Dantza Taldeak ekitaldi horietako batean parte hartuko du.

Labiaga ikastolak, Gure Txokoa Dantza Taldeari proiektuaren eta bere asmoen berri eman zion. Ikastetxeak kanpotarrei euskal kultura eta folklorea erakusteko intentzioarekin Berako dantzariek saio bat egitea proposatu zuen. Dantza taldeak, ikastolako ikasle oihez josia, baiezkoa eman zuen bitan pentsatu gabe eta elkarlanean hasi ziren saioa prestatzen.

Dantzariak arratsaldeko 19:45tan agertuko dira ikastolaren Altzateko egoitzara eta handik kalejiran atzerritarrak kultur etxeraino eramango dituzte. Saioa Aurresku batekin hasiko da. Gure Txokoako 4 dantzarik, kanpoko herrialdetako ordezkari bana hartuko dute eta eszenatoki gainera eraman, bertan Aurreskua eskaintzeko eta ohiko txapela oparitzeko. Berako dantzez gain, Euskal Herriko lurralde desberdinetako dantzak eskeiniko dizkiete Beratarrek bisitariei ikastolako ikasleek ingeleraz aurkeztutako saioan.

Gure Txokoa Dantza Taldea kultur etxean. 1997ko abendua
(Argazkia: Gure Txokoa Dantza Taldea)

Festibalaren ondotik, ikastolak antolatuta afari batean bilduko dira dantzari, musikari eta ikastetxeetako arduradunak.

Larunbata arte egongo dira Alemaniarrak, Estoniarrak, Turkiarrak eta Italiarrak gure artean eta beraz honako dantza emankizun hau, azken ekitaldietako bat izango da beraientzat Euskal Herrian. Saio polita izatea espero dugu, euskal kultura eta folklorea ikusteaz gain ongi pasatu dezaten.

Gure Txokoa Dantza Taldearen saioa

2009-10-04T23:36:00.016+02:00

Berako Labiaga Ikastolak eta Gure Txokoa Dantza Taldeak elkarlanean antolatuta berako dantzarien emankizuna izango da urriaren 16an Berako kultur etxean.

Hainbat herrialdetako gaztetxoak etorriko dira ikastolako ikaslei bisita egitera eta Berako eta Euskal Herriko kultura eta tradizioak erakusteko asmoarekin Gure Txokoa Dantza Taldeak euskal dantzaz osatutako emanaldia eskeiniko die kanpotarrei.

Aurrerago saio honi buruz berri gehiago izanen duzute.

XV. DANTZARI TTIKI EGUNA: Balorazioa

2009-09-28T22:15:00.014+02:00

Gure Txokoa Dantza Taldetik balorazio positiboa egiten dugu pasa den larunbatean izan zen Berako XV. Dantzari Ttiki Egunaren inguruan.
Dantzari Ttikia antolaketa kudeatzeaz arduratu diren dantzari gazteak berriak ziren betebehar honetan eta zailtasunak alde batera utzi dituzte egun polit hau antzinera eramateko.
Eguraldia lagun izan genuen goizeko lehenengo orduetatik eta horrek dantzetaz gozatzeko giro bikaina jarri zuen. Ibarratik eta Zaldibitik etorritako dantzariak gogotsu ziruditen dantzatzen hasi aintzinetik. Bizilagun gehieneko auzoetan jendeak ederki erantzun zuen. Eskerrak eman beharrean gaude, auzo desberdinetan gosaria banatzen lagundu ziguten Beratarrei.

Argazkia: Goiko

Goizak eguerdiari lekua utzitakoan, Altzateko Plazako festibala gauzatzeko ordua etorri zen. Agintariena egin ondotik, Berako lau dantzarik, kanpotar zein Beratarrei Aurreskua eskeini zieten saioari hasiera emateko. Honen ondotik Beratar, Ibarratar zein Zaldibitarrek dantza bina egin zituzten. Txalotuenak Ibarrakoak izan ziren "banako-ko" pausuekin egindako koreografia bati esker. Dantzari ongi landuak dituzte Tolosaldekoek.

Zaldibiko Iztueta Dantza Taldea

Ibarrako Alurr Dantza Taldea

Gure Txokoa Dantza Taldeko neska talde bat Xuberoko Makildantza egiten

Festibalari amaiera emateko, Berako lau dantzari ttiki ateri ziren plaza erdira eta Gipuzkoatik etorritakoei lore sorta eder bat eta bordatutako txapel bat oparitu zieten.

Bazkaltzeko ordua ailegatuta, haurrak Beratarren etxeetara joan ziren. Hirugarren taldearen falta sumatu zen, Beratar ttiki aunitz lagun berriak etxeetara eraman ezinik gelditu baitziren. Hurrengo urtean hau gertatu ez dadin lan eginen dugu, nahiz eta holako kasuetan Gure Txokoak gauza handirik egiteko aukera ez izan.

Arduradun eta musikariak Iamotenean elkartu ziren Gure Txokoako dantzariekin batera, Berako dantzariek prestatutako bazkaria dastatzeko. Giro ederrean eta azkar pasatu zen otordua eta konturatu orduko 5ak ziren, hau da, Eztegara frontoian haurrentzako jokoak prestatuak zeuden unea.

Haurrak 6ak arte jolasten egon ziren, eta berendua jaso ondotik etxeetara bueltatu ziren.

Hobetu beharreko detaileak daude, eta XVI.-a aurtengoa baino hobea izateko hauek konpontzen saiatuko gara.

Bukatzeko, aunitz eskertzen dugu Beratarrek dantzariei emandako harrera, hala nola, Berako musikarien laguntza ordain ezina, Berako Udala eta Gure Txokoa Elkartea. Nola ez, Ibarrako Alurr Dantza Taldea eta Zaldibiko Iztueta Dantza Taldea, gustoa ematen baitu zuek jasotzea. Eta modu berezi batean, beraien etxeetan kanpoko haurrei bazkaltzera emandako familiei eskerrak eman nahi diegu, laguntza hori gabe ezinezkoa izango zelako Dantzari Ttikia.

Bertzerik gabe, hurrengo urtekoaren zain geldituko gara, Dantzari Ttiki aunitzen XVI. pausua izanen denaren zain.

Gure Txokoa Dantza Taldea

Dantzari Ttikiari buruzko berria

2009-09-27T21:38:00.005+02:00

El diario Vasco egunkariak honako berria argitaratu du XV. Dantzari Ttikiaren biharamunean:

Dantzari Ttiki Eguna
Gure Txokoa Dantza Taldea fue ayer el anfitrión de la edición del Dantzari Ttiki Eguna, al que acudieron grupos de dantzas Allur, de Ibarra e Iztueta de Zaldibia. Korosti Taldea, de Legazpi no pudo asistir. La soleada jornada permitió que todos los actos se celebrarán por las calles y en Altzate.
Larunbatean ere, gure berri eman zuten egunkari honetan Dantzari Ttikiko egitaraua aditzera emanez. Gainera gure blog berri hau aurkeztu zuten.
Ortzileko edizioan, Diario de Noticiasek ere XV. Dantzari Ttikiaren berri eman zuen, eta bertze hedabideak bezala gure blog berria aurkeztu zuen.

Elkarrizketa Xorroxin irratian

2009-09-25T15:33:00.004+02:00

Gaur goizeko saioan Xorroxin irratiak gure berri eman du, eta zehazki biharko XV. Dantzari Ttiki Egunari buruz. Honetaz solasteko Gure Txokoa Dantza Taldeko ordezkari bat elkarrizketatu dute.

Elkarrizketa hau www.xorroxin.com helbidean entzungai duzute. Guk bertara sartzeko link-a uzten dizuegu:

http://www.xorroxin.com/NIES/4/index.php?ir=4&aukera=home&menu=home&menukodea=52&mota=0

XV. DANTZARI TTIKI EGUNA: Eguraldia

2009-09-24T23:19:00.012+02:00

Euskalmet-ek bere web orrian azaltzen duenez larunbatean eguraldi ona izanen dugu ttikien dantzetaz gozatzeko. Hau da Euskalmeten aurreikuspena:
Larunbatean 20-23 ºC arteko tenperaturak izango ditugu berriro ordurik epelenetan. Eguna giro goibelarekin hasiko dugu ipar partean, hodei ugari eta zirimiria egiteko arriskuarekin. Eguerdi aldean zerua txukuntzen joango da eta ostarte ederrak zabalduko dira, arratsalde eguzkitsua geratuz. Lurraldearen hegoaldean zerua, oro har, garbiago egongo da egun osoz.

TENPERATURAK
Bilbo	Min.16º / Max.22º	Iruña	Min.13º / Max.22º
Donostia-San Sebastián	Min.15º / Max.20º	Arrasate	Min.14º / Max.21º
Vitoria-Gasteiz	Min.12º / Max.22º	Laguardia	Min.13º / Max.22º

http://www.euskalmet.euskadi.net/s07-5853x/eu/meteorologia/home.apl?e=8

Berriz ere XV. Dantzari Ttiki Eguneko egitaraua jartzen dizuegu, eta bidenabar dantzetaz gozatzera etortzera animatzen zaituztegu:

EGITARAUA:
10.30: Taldeei harrera egin eta banaketa auzoetan.
11.00: Kalejira auzoetan zehar (ibilbidean zehar gosaria emango zaie)

12.45: Iamotenean elkartuko dira talde guztiak eta elkarrekin Altzatera abiatuko dira. Bertan, talde guztiek Agintariena dantzatuko dute eta Berako gazteek talde bakoitzari Agurra eskeini ondoren, festibala izanen da.

13.30: Umeen banaketa etxeetan bazkaltzeko.

14:15 inguru, bazkaria arduradunentzat

17:00: Haurrentzako jokoak Eztegara pilotalekuan.

18:00: Denak etxera!!!

XV. DANTZARI TTIKI EGUNA: Partaidetza

2009-09-24T23:07:00.003+02:00

Aurtengo Dantzari Ttiki Egunerako hiru taldeei luzatu zitzaien gonbidapena. Tamalez horietako talde batek azken unean etortzekoa ezinezkoa duela aditzera eman digu.

Azken momentuko gauza izanik, presaka bertze talde bat ekartzen saiatu gara, baina ulertzekoa den bezala proposatutako taldeek ezezkoa eman dute dantzak prestatzeko denbora guttiagatik.

Hau guztiaren ondorioz, Berako XV. Dantzari Ttikian bi talde bakarrik etorriko dira:

- Iztueta Dantza Taldea, Zaldibia (Gipuzkoa)
- Alurr Dantza Taldea, Ibarra (Gipuzkoa)

45 haur inguru etorriko dira Berara Gipuzkoatik. Hauei Berako 60 bat haur elkartuko zaizkie kopuru eder bat osatuz.

Bideo berriak: Euskal Herriko Dantzari Eguna 2009

2009-09-24T22:53:00.002+02:00

Irailaren 12an Atarrabian egon ginen Euskal Herriko Dantzari Egunean (2009/09/12) parte hartzen. Bertan Berako Makildantzak eta Bordondantza eskeini genituen bildutako ikusle aunitzei.

Nafarroako Dantzarien Biltzarrak, ekitaldiaren antolatzaileak, egun horretako bideo batzuk zintzilikatu ditu sarean. Hmen behean bideoak ikusi ahal izateko linkak uzten ditugu:

Zagidantza: http://www.youtube.com/watch?v=Lvt1uKfMYNA

Bordondantza: http://www.youtube.com/watch?v=F0-LvNOgNlI

Bertzela ere gure argazki eta bideo bilduma berrian ikusgai dituzute bideo hauek:

http://guretxokoadantza.spaces.live.com

Argazki eta bideo artxiboa

2009-09-23T17:25:00.003+02:00

Jakina da blog hau egiterakoan helburu nagusienetako bat Gure Txokoa Dantza Taldearen argazki eta bideo bilduma egitea dela. Momentuz bide honetik joan gara eta dagoeneko 200tik gora argazki elkartu ditugu gure "flickr" kontuan: http://www.flickr.com/photos/guretxokoadantza/

Gertatzen dena da, argazki eta bideoak goitzeko plataforma honek bere mugak dituela bere dohako bertsioan eta goitutako argazki guztiak ikusi ahal izateko ordaindutako bertsioko zerbitzuak kontratatu beharko genituzkela.

Honen ondorioz, plataforma berriak aztertzen hasi ginen eta azkenean "msn"-ek eskeintzen duen "Windows.live"-eko espazioa aukeratu dugu. 25 Gb -raino argazkiak goitzeko aukera ematen digu eta bideoak erraztasunez zintzilikatu ahal izango ditugu. Helbide berria honako hau da:

http://guretxokoadantza.spaces.live.com/

Momentuz, gutti gotti-bettiko diseinua eginda dago eta bideo bat zein argazki batzuk igo ditugu. Ahal bezain abudo Flickr orrian genituen argazkiak pasako ditugu eta era berean bidaltzen dizkiguzuen bertze horiek ere. Prozesu hau bukatu bitartean, Flickr-ko artxibo zaharra ikusten ahal duzue.

Egun hauetan Gure Txokoa Dantza Taldeak dituen argazki albumetatik argazkiak formatu digitalera pasatzen ari gara. Lan honetan Amaia Muñoz-ek laguntzen ari gaitu. Mila esker!!!

Bideo berria: Makilari

2009-09-20T22:00:00.003+02:00

Hilabete bat bete duen blog honetan Gure Txokoa Dantza Taldearen bideoak argitaratzea saiatuko gara, horrela argazkiez gain dantza taldearen artxiboa bideoekin ere osatuko dugu.

Norbaitek Gure Txokoa Dantza Taldearen inguruko bideoak baditu gurekin harremanetan jartzea eskertuko genuke.

Lehenengo bideoa dagoeneko zintzilikatu dugu, eta gure blogan errex aurkituko duzute. Bertzela ondorengo link honetan sartuz ikusi ahal izango duzute:

http://www.youtube.com/watch?v=3HOsDLxyHco

2008an Jon de la Cruz eta Xabi Alzurik Berako Bestetako festibalean (abuztuak 2) dantzatutako Makilaria da.

Eider Herrerok utzitako bideoa da. Gure Txokoa Dantza Taldearen partez, mila esker!

Gure Txokoa Dantza Taldea Atarrabiako Dantzari Egunean

2009-09-19T15:22:00.004+02:00

Erran bezala Gure Txokoa Dantza Taldeak pasa den larunbatean Euskal Herriko Dantzari Egunean parte hartu zuen. Goizeko 11:30tan hasi zen Jatorrizko Dantzen Jaialadian parte hartu zuen, eta bertan Berako Makildantzak eta Bordondantza erakutsi zituen Atarrabiara gerturatutako jende guztiari.
Leitza, Isaba eta Iribasko dantzariekin batera osatu zuten festibala Beratarrek eta bakoitzak bere herriko tradizioa osatzen duten dantzak erakutsi zituen. Bertze hiru herriek ingurutxoak dantzatu zituzten jendearen dantza gogoak asetzeko.
Berako dantzak txalotuenetakoak izan ziren, bere kolore eta bizitasunagatik, eta itxura batean ikusleak gustora gelditu ziren Gure Txokoak eskeinitako dantzekin.
Dantzariak ere, gustora bukatu zuten emanaldia egindako saioagatik eta jendearen harreragatik. Gainera, dantzatzez akautzerakoan eta irabazitako dutxa baten ondotik bazkari eder batera gonbidatu zituen antolakuntzak Iribas, Isaba eta Leitzarrekin batera.

Ahal bezain abudo, Atarrabian dantzatutako Bordondantzaren bideoa zintzilikatuko dugu gure blogan.

Ttipi-Ttapak ere gure berri eman du

2009-09-15T23:43:00.004+02:00

Ttipi-Ttapa tokiko aldizkariak, 14/09/2009an argitaratutako 502. alean gure blog berriaren berri eman du. Berako berrien atalean agertu da guri buruzko notizia. Ondorengo helbidean ikusi dezakezue Ttipi-Ttaparen web orrian eta paperezko edizion agertutako berria:

http://www.ttipi.net/MCW_desarrollo.php?contenidoID=1252914594

Blogaren aipamenaz gain, XV.Dantzari Ttiki Eguneko egutegia ere argitaratu dute.

XV. DANTZARI TTIKI EGUNA

2009-09-14T15:04:00.004+02:00

Prest dugu dagoeneko irailaren 26an, larunbatan, ospatuko den Berako XV. Dantzari Ttiki egunaren egitaraua:

EGITARAUA:
10.30: Taldeei harrera egin eta banaketa auzoetan.
11.00: Kalejira auzoetan zehar (ibilbidean zehar gosaria emango zaie)

13.30: Umeen banaketa etxeetan bazkaltzeko.

14:15 inguru, bazkaria arduradunentzat

17:00: Haurrentzako jokoak Eztegara pilotalekuan.

18:00: Denak etxera!!!

OHARRA: EGURALDI TXARRA EGINEZ GERO: harrera egin ondoren, Altzateko frontoira joanen dira haur guztiak eta bertan gosaltzera emanen zaie.

12.00: Altzateko frontoian bertan festibala izanen da.

13:00: Umeen banaketa etxeetan bazkaltzeko

17:00: Haurrentzako jokuak eztegarako pilotalekuan.

Aurten ondorengo taldeei luzatu zaie gonbidapena:

- Alurr Dantza Taldea, Ibarra (Gipuzkoa)

- Korosti Dantza Taldea, Legazpi (Gipuzkoa)

- Iztueta Dantza Taldea, Zaldibia (Gipuzkoa)

Berririk izan bezain abudo blog honetan argitaratuko ditugu.

Gure Txokoa Dantza Taldea Euskal Herriko Dantzari Egunean

2009-09-09T15:18:00.005+02:00

Urtero bezala, Euskal Herriko Dantzari Eguna antolatzen da garai hauetan. Aurten Nafarroari suertatu zaio ekitaldien antolaketa kudeatzea eta honen ondorioz Mikelats Dantza Taldearen 15.urteurrena dela eta Atarrabian ospatuko da aurtengo edizioa. Irailak 12, larunbat honetan beraz, izango dugu Euskal Herri osotik hurbildutako taldeen dantzak ikusteko parada.

Gure Txokoa Dantza Taldeari ere gonbidapena luzatu zaio egun honetan parte hartzeko, eta aukera onartuz Atarrabian izanen gara.

Larunbat goizean (11:30tan) egingo den Jatorrizko Dantza Taldeen Jaialdian parte hartuko dugu, bertan Berako Makildantzak eta Bordondantza eskeiniz. Gurekin batera jaialdi honetan Leitza, Iribas eta Isabako taldeak izanen dira. Ondoren talde hauekin batera bazkalduko dugu.

Arratsaldean, festibal erraldoi bat antolatuko da Euskal Herriko abzter guztietatik hurbildutako taldeekin eta lurralde bakoitzeko taldeek pare bat dantza eskeiniko dituzte. Nafarroako dantzariek Kortes eta Txokolatearen Jota (Agoitzeko Jota) dantzatko dute adibidez. Beratarrak ezingo gara bertan egon bertze konpromisoak direla eta.

Gure Txokoa Dantza Taldetik Atarrabiara hurbiltzeko gonbidapena luzatzen dizuegu Euskal Herriko dantzetaz gozatu ezazuen.

Argibide gehiagorako Nafarroako Dantzarien Biltzarreko bloga: http://nafardantza.blogspot.com/

Atarrabiako Dantzari Eguneko egitaraua:

•Erakusketa.
“Mikelats dantza taldearen 15. urteurrena.”
Irailaren 7-tik 12-ra Atarrabiako Kultur etxean.

•Hitzaldiak.
19:30etan,hiru hitzaldi izango ditugu Atarrabiako Kultur Etxean:
Irailaren 9an: “Dantza; ondare inmaterialaren barnean ”, Alfredo Asiain eta Ortzadar Folklore Taldeko kideak.
Irailaren 10ean: “Dantza tradizionala eta sormena: Eaurtako neskadantza”, Juan Antonio Urbeltz.
Irailaren 11ean: ”Haur folklorea. Nondik nora?”, Josu Larrinaga.

Egun osoan Zehar:
• Udal enparantzan; dantza, folklore eta arropa tradizionalarekin erlazionaturiko artisau azoka.
• Trikitilariak, txistulariak, gaiteroak, akordeolariak, txalapartariak, etc.
• Txozna
• Erakusketa (goizean).

•11.00h Udal enparantzan, folkloreko artisauen azoka.
•11.30h Udal enparantzan, jatorrizko dantza taldeen jaialdia.
•14.00h Jatorrizko dantza taldeen bazkaria.
•16.00h “Indurain anaiak” polikiroldegian dantza taldeen Ongi etorria.
•17.30h Harrera ofiziala polikiroldegitik Atarrabiako kaleeraino.
•18.00h Jaialdi Nagusia udal enparantzan.
•21.30h “Lorenzo Goikoa” polikiroldegian dantza taldeen afaria.
•00.30h – 04.30h “Atarrabia” frontoian Gaupasa, Udal enparantza ondoan, “Trikidantz” taldearekin.

Zorionak Itziar!!!

2009-09-02T22:50:00.004+02:00

Pasa den larunbatean gure Itziar Andonikin ezkondu egin zen!!!
Pozez eta emozioz beteriko egun horretan bere dantza ikasle ttikiek arkua egin zioten bere irakasle ezkonberriari. Bere lagunek ere ez zuten guttiago izan nahi eta aurresku hunkigarri bat dantzatu zioten bikoteari.

Gure Txokoa Dantza Taldearen partez, Zorionik beroena eta aurrerantzean hoberena opa dizuegu bikote!!!

ZORIONAK!!!

Berako Dantzari Ttikia

2009-09-01T22:02:00.004+02:00

Irailak 26an, larunbata, ospatuko da XV. Berako Dantzari Ttiki Eguna.

Aurten 15. edizioa ospatuko da, dagoeneko zenbaki borobila. 15 urte horiek ospatzeko ahalik eta egun borobilena osatzen saiatuko gara.

Prestakuntza lanetan hasiak gara dagoeneko, eta berriak izan bezain abudo blog honetan argitaratuko ditugu.

Agerrako saioa

2009-08-30T12:00:00.003+02:00

Atzo, abuztuak 29, Gure Txokoa Dantza taldeak dantza saioa eskeini zuen Berako Agerra auzoan. Eguraldia lagun zen eta jende aunitz bildu zen emanaldia ikusteko, bertze urtetan baino ikusle gahiago hurbildu zen Agerra auzora.

Dantzariak pozik agertu ziren festibal amaieran gerturatutakoek emandako harreragatik eta dantza saioa hagitz ongi ateria zela aipatu zuten. Nabarmentzekoa da gainera, dantzari ttikiek egindako dantzak, bikain atera baitziren.

Agerra auzoan egindako emanaldia honako dantza hauetaz osatu zen:
1- Agurra
2- Launako
3- 7 jauzi
4- Muxikoak: Hegi ta Ostalertsak
5- Makil Txiki
6- Xuberoako Makildantza
7- Betelu

Festibal bukaeran, Agerrako bestatako antolakuntzak, merendu ederra prestatu zuen dantzari eta musikari guztiei urteroko gisan. Horregatik eta guztiagatik Gure Txokoa Dantza Taldearen partez gure eskerrik beroenak Agerrako bestetako antolakuntzari!!!

Emanaldia Agerra auzoan

2009-08-29T00:08:00.005+02:00

Gaur larunbata, abuztuak 29, arratsaldeko 20:30tan saioa eskeiniko dugu Berako Agerra auzoan.

Asteburu honetan bertako bestak direla eta, urteroko gisan ordu erdi inguruko saioa eskeiniko dugu Beti Jai ostatu ondoko plazan. Helduen taldeak hiru dantza eskeiniko ditu. Jaialdia Gure Txokoako dantzari gaztetxoek osatuko dute beraien dantzak eskeiniz.

Hurbildu zaitezte Agerra auzoko bestatara eta gozatu ezazue Gure Txokoa Dantza Taldeko emanaldiarekin!!

Berako dantzak

2009-08-23T17:33:00.003+02:00

GURE- TXOKOA DANTZA TALDEA

Gure- Txokoa 1931 an sortutako kultur eta kirol elkarte bat da, bertan talde ezberdinak aurkitzen direlarik ( pilota, futbola, bizikleta, igeriketa, DANTZAK,…).

Gure- Txokoa Dantza Taldeak 6 urteetikan aintzinerako gazteak biltzen dituen taldea da. Gazte hauek taldeetan banatuta daude adinaren arabera.

Gaur egun 120 gazte inguru dira eta aipatzekoa da gazte guztiak Berakoak direla edo Beran egiten dutela bizia.

Gure- Txokoa Dantza Taldeak Abuztuaren 3an (San Esteban) du saio garrantzitsuena, bertan Berako dantzak dantzatzen dituztelarik:

· Bordondantza (goizean)
· Berako Makil- dantza (goizean)
· Berako aurreskua (arratsaldean)

Bordondantza: V forman ezarrita dantzatzen den dantza da. Bata besteari soken bitartez lotuta daude eta soka hauek beti tente kontzen saiatu behar da.
Mutilek bakarrik dantzatzen dute. Foruen plazan egiten da meza ondotikan.

Makil- Dantza: 10 dantzaz osaturiko guda dantza edo makil jokoa da. Mutilek bakarrik dantzatzen dute. Foruen plazan egiten da.

Aurreskua:
· Ohitura: Aipatzekoa da dantza honek duen ohitura; Badira bi mutilak kapitainak direla eta hauek neska guztiekin batera dantza hasi aurretik merendatzen dute neska kapitaina baten itxin. Gero denak batera Foruen plazara joaten dira kate bat eginez, mutila bat aintzinean eta bertzea gibelean paratzen delarik. Mutila bakoitzak neska batekin dantzatzen du eta ondoren mutila neska horren itxera joaten da afaltzera. Mutilak postrea eramaten du afaltzen hasi baino lehen postrea ezkutatzen du etxean.

· DANTZA: Dantza gehiena kate bat osaturik egiten da. Dantzaren erdian 1go eta azkeneko mutilek beren dantza bikoteari (neska) agurra eskeintzen diote. Bukatzeko eta arraultze itxura paraturik Berako fandango eta arin –arina egiten dute neska- mutilek.

Jon Zelaieta dantzari oihak idatzia

San Esteban eguna 2009

2009-08-13T23:40:00.009+02:00

La bandera se baila el día de San Esteban

Tras la misa, el concejal Rafa Etxeberria bailó por primera vez esa danza el día grande de las fiestas

Tradicionalmente, sólo se baila el día del Corpus en las plazas de la localidad

texto y fotos aitor arotzena

El concejal Rafa Etxeberria bailó por vez primera la bandera el día grande de las fiestas.

bera. El Baile de la Bandera, tradicional en Bera el día del Corpus, se bailó por primera vez el día de San Esteban, tras la misa dedicada al patrón. Ya lo había anunciado Josu Goia: tras la misa del día de San Esteban habría una innovación en el folklore de Bera y esa novedad fue el baile de la bandera. Pero las celebraciones del día grande de las fiestas de Bera empezaron por la mañana, con las dianas a cargo de los txistularis. Posteriormente, las autoridades municipales, con el alcalde Josu Iratzoki a la cabeza, acompañado por el abanderado Rafa Etxeberria, el alabardero Alfredo Goienetxe y la pequeña Julia Artieda Vila, que ejercía de paje, junto con los txistularis y dantzaris del Gure Txokoa, realizaron el trayecto entre el Ayuntamiento y la iglesia de San Esteban. La misa, en honor del patrón, fue cantada por la coral de Bera, dirigida por Fátima González Burguete.

Tras la misa, la comitiva oficial desandó el recorrido hasta el Ayuntamiento, pero antes de izar la bandera al balcón principal, llegó la sorpresa que pocos beratarras conocían. Hasta ahora, el baile de la bandera se realizaba únicamente el día del Corpus, en la plaza del Ayuntamiento, en la plaza de los Fueros, en la plaza de Altzate y en la calle Altzate, frente a la casa de Maritx. Este año, el concejal Rafa Etxeberria bailó la bandera ayer, día de San Esteban, al son de los txistularis, tras dejar el fajín y demás atributos en manos de Julia Artieda. Tras el corto baile, recibió el aplauso de los beratarras que llenaban la plaza.

Tras izar definitivamente la bandera en el Ayuntamiento, los mayores del Gure Txokoa bailaron la Bordondantza, con Jon de la Cruz al frente. Junto a él, bailaron las Bordondantza y Makildantzas Iñigo Erkizia, Xabiel Altzuri, Mikel Goienetxe, Mikel Agara, Ibai Iturria, Jon Irazoki, Imanol Moreno, Julen Baleztena, Patxi Castillo, Mikel Morcillo, Iñaki Eskudero, Iñigo Arana, Asier Andueza y Ander Rodríguez. Para Mikel Morcillo y Asier Andueza era su estreno y se mostraban más nerviosos que los demás, habituados ya a estos menesteres. Según refería Mikel Goienetxe, no tienen que ensayar mucho, ya que son unos bailes que conocen desde pequeños: "El aurresku lo empezamos a ensayar un par de semanas antes, y la Bordondantza una semana antes". A uno de los capitanes, Jon Irazoki, le toca trabajar de firme en fiestas, ya que nada más terminar los bailes del mediodía, se quita el traje de dantzari y se enfunda la camiseta de la charanga Izadi, donde toca los platos, para volver a bailar después.

Tras la Bordondantza, llega el turno de las Makildantzak de Bera. La primera la bailaron los mayores, pero luego entraron los pequeños. Según señaló el txistulari Josema Iriarte, se bailan diez makildantzas en Bera, entre las que están las llamadas Mitzeltene , Mutildantza , Hiru Txito o Zagidantza . Tras los bailes, los bertsolaris Andoni Egaña y Sebastian Lizaso cantaron desde el balcón del Ayuntamiento.

Tras la comida, que el día de San Esteban siempre es especial, fue el turno del aurresku que ofrecen los dantzaris del Gure Txokoa. Además de los chicos que bailaron a la mañana, también lo hicieron los jóvenes de 14 años Jabier Pikabea e Ibon Erdozain. Por la mañana no bailaron, por ser demasiado jóvenes, pero no faltaron a la tarde. Mikel Agara y Jon Irazoki fueron los capitanes, y bailaron el aurresku a las capitanas de las chicas, Idoia Irazoki y Aitziber Esnaola. Junto a ellas, participaron en el baile Leire Barrutia, Amaia Izquierdo, Ainara Velez, Maitane Erdozain, Alaitz Arribillaga, Ixone Telletxea, Amaia Espinosa, Gurutze Andueza, Estibaliz Sanchez, Izaskun Zubieta, Maialen Txantre, Ainhoa Lanz y Ainhoa Retegi.

Una de las chicas capitanas tiene una especial responsabilidad la tarde de San Esteban, ya que invita en su domicilio a café al resto de las chicas y a los dos capitanes. Tras el café y refrigerio, van en kalejira hasta la plaza para bailar.

Ohitura bihurtzen diren berrikuntzak

San Esteban egunean bandera dantzatzea ez da ohitura bat berreskura-tzeko ahalegina, Josu Goia musikari eta alkate ohiak aipatu digunez: "Ez, Beran ohitura da Besta Berri egunean bandera dantzatzeko. Herriko hiru plazetan, Herriko Etxean, Foruen Plazan eta Altzate plazan eta horretaz gain, Altzate karrikan, Maritx etxearen parean dantzatzen da. Azken hau ez dakit seguru zergatik, uste dut, garai batean militarren baten etxea zela edo. Dantzari taldeari San Esteban egunean egitea proposatu nion eta baiezkoa atera zen eta horrexegatik egin da aurten lehen aldiz". Beraz, dan-tza tradizionala izanik ere, berrikuntza da Berako folklorean bestetako egun nagusian dantzatzea. "Tradizioak beti aldatzen doaz -dio Goiak-. Adibidez, orain San Esteban eguneko meza aitzinetik dantzariek Aurreskua dan-tzatzen dute aldarean, eta ohitura horrek hogei urte baino guttiago dauka. Badira galtzen diren ohiturak, mantentzen diren ohiturak eta denborarekin ohitura bihurtuko diren berrikuntzak ere". >A.A.

Iturria: Diario de noticias

Gure Txokoa Dantza Taldea-k bloga estreinatzen du!!!

2009-08-12T22:20:00.000+02:00

Gure Txokoa Dantza Taldearen inguruko berriak argitaratuko dira hemendik aurrera blog honetan. Web orri bat egin bitartean hau izanen da Gure Txokoaren informazioa emateko bidea.
Blog berri honen helburua taldeari buruzko informazio guztia biltzea da, eta bide batez Berako dantzak ezagutaraztea.

Era berean nahi duenak gurekin harremanetan jartzeko bide egokia du honako blog hau. Bertzela, guretxokoadantza@gmail.com postara idazteko aukera duzue.

ONGI ETORRIAK GURE TXOKOA DANTZA TALDEAREN BLOGARA!!!