IZEN EMATEA 2018

Gure Txokoako Dantzariak Hondarribin

Mila esker KEMEN Dantza taldea.  Bikaina!

Gure Txokoako dantzariak Isidoro Fagoagaren omenaldian

Isidoro Fagoagari omenaldia eskaini diote Berako Agramontea sortetxean

Iturria: www.erran.eus - Ttipi-Ttapa

Oroit-plaka paratu dio Berako Udalak eta emanaldia eskaini diote Berako Abesbatzak, bandak eta Gure Txokoako dantzariek

Argazkia: Martin Goikoetxea "Goiko"

Isidoro Fagoaga, bada tenorea! izenburupean urte osorako zenbait ekitaldi prestatu dituzte Beran. Omenaldi nagusia, maiatzaren 6an egin zioten Illekuetako Agramontean, bere sortetxean,  Abesbatzaren, Bandaren eta Gure Txokoako dantzarien eskutik. Oroit-plaka bat ere paratu zion Berako Udalak etxe atarian, tenore handiaren esaldietako bat ageri duena: «Geure kulturari uko egitea bizitzari berari uko egitea litzateke».

Josu Iratzoki Berako alkatea eta udal ordezkariekin batera, Isabel Elizalde, Nafarroako Gobernuko Landa Garapen, Ingurumen eta eta Toki Administrazio kontseilaria eta Susasna Irigaray, Nafarroko Museo Zerbitzuko zuzendaria izan ziren ekitaldian, Fagoagaren senide eta hainbat beratarrekin batera.

‘Isidororen Lagunak’ elkarteko kide ere baden Jon Abril kazetariak gidatu zuen ekitaldia eta Isidoro Fagoagak “14 urterekin bere etxea utzi eta Argentinara lehenik, eta Italiara gero, joateko izan zuen ausardia” azpimarratu zuen. Alde horretatik, bere garaiari aitzindua ibili zen Fagoaga eta bere omenez antolatu dituzten ekitaldietarako aukeratu duten goiburuak dioen bezala, “bada tenorea ahazturatikberreskurateko eta dagokion tokia emateko”. Berako Abesbatzak bi kantu eskaini zituen, eta Isidororen Lagunak elkarteko Helena Santestebanek Fagoagak 1947an idatzitako testu bat irakurri zuen, Gernika bonbardeatu ondotik kantatzeari uzteko arrazoiak azaltzen zituena. Isabel Elizaldek eta Susana Irigarayk Fagoagaren bizitza eta lana ikertzeko eta ezagutzera emateko konpromisoa azaldu zuten.

Agramontean jarritako plaka azaldu ondotik, Gure Txokoako Jon de la Cruz eta IraiaGilleneak aurreskua dantzatu zuten eta berriz ere, Berako abesbatzak eta musika bandak eskainitako kantuekin bukatu zuen omenaldi ekitaldia.

Erakusketa

Gogoratu behar da apirilaren 21etik maiatzaren 21era Isidoro Fagoagaren ibilbidea biltzen duen erakusketa zabalik dela Kultur Etxean (ortzegunetik larunbatera, 18:00etatik 20:00etara eta igandetan 11:30etik 13:30era).

Isidoro Fagoagak hil aitzinetik kutxetan sartutako bere materialaren hainbat ale paratu dira erakusgai, gehien-gehienak lehenbiziko aldiz: argazkiak, kontzertuetako kartelak, gutun pertsonalak (Oteizarekin, Barandiaranekin, Martin Ugalderekin…), postalak, operetan erabilitako jantziak eta osagarriak, liburuak…

 

Aitzinera begira

Maiatzaren 19an, ortziralean 19:00etan Beralandetan, Hedoi Etxartek Wagner izanen du solasgai, Fagoagak gehien kantatu zuen artista.

Maiatzaren 26an, berriz, “Isidoro hurbiletik” mahai-inguruan parte hartuko dute hura ezagutu zuten hainbat lagunek, ortziralean 19:00etan Gure Txokoa elkartean

Maiatzaren 30ean, asteartez, herriko ikastetxeetako Lehen Hezkuntzako 5. eta 6. mailako ikasleek Isidoro Fagoaga ezagutzeko Ginkana bat eginen dute herriko karriketan barna, 15:00etan hasita. Ez da hau izanen ikastetxeekin landuko den gai bakarra, erakusketa bisitatzeaz gain, erakusketarako propio marrazkiak ere prestatu baitituzte. Horrez gain, herriko ikasleei banatzeko, Isidoro Fagoagaren bizitza laburbiltzen duen komikia argitaratuko da, Joseba Larratxe komikigileak egina.

Udaberriko azken ekitaldia ekainaren 9an eginen da. Artistaren izena daraman Isidoro Fagoaga Udal Musika Eskolako ikasleek Herriko Etxeko plazan, gaueko 22:00etan, antzerki-musikatua eskainiko dute, Fagoagaren ibilbidea musikaren bidez laburbilduz.

Kontzertuak udazkenean

Udazkenerako hainbat kontzertu eta emanaldi prestatzen ari dira, musikaren bidez Isidoro Fagoaga gogora ekartzeko asmoarekin. Hala, Javier Perez de Azpeitia pianista beratarrak Manuel Olano tenor errioxarrarekin kontzertua emanen du irailean; Errenteriako Andra Mari abesbatzaren kontzertua izanen da urrian, eta oraindik itxi gabeko bertze emanaldi batzuk aurreikusi ditu antolakuntzak.

Urtemugako ekitaldiak epe ertainera zerbait iraunkorragoa sortzeko baliatu nahi dute antolatzaileek, eta familiarekin eta Udalarekin esku hartuta, Nafarroako Gobernuarekin ere harremanetan dira. Lehendabiziko zeregina izanen da Isidorok kutxetan sartu zuen bere material guztia (korrespondentzia, argazkiak, jantziak, kartelak, osagarriak…) inbentariatzea eta berreskuratzea, ondare hori balioan paratu eta zabaltzeko, Isidororen lanak Berako herrian toki iraunkor bat izanik.

Argazki gehiago: http://erran.eus/bortziriak/1494225951797

Isidoro Fagoagari buruzko artikulua: http://www.berria.eus/albisteak/133812/bonbek_isildu_zuten_tenorra.htm

Zarautzeko Dantzari eguna 2017

Pasa den apirilaren 30ean Zarautzeko Jalgi Dantza Taldeak antolatutako Dantzari Egunean parte hartu zuen Gure Txokoa Dantza Taldeak. 7 herri desberdinetako 200 dantzari inguru bildu ginen kostaldeko hirian. Talde Zarauztarrak 5 urte betetzen ditu aurtengoan eta honen aitzakipean gonbidatuak izan ginen beraien ospakizunetara Zumarragako Irrintzi, Getariako Gure Txeru, Gabiriako Goruntz, Mutrikuko Gure Ametsa eta Oñatiko Oñatz taldeekin batera.

Egun guztirako egitarau bikain prestatuta zuten Zarautzeko lagunek, tamalez euriak hau bere osotasunean betetzea ekidin zuen, eta goizerako prestatutako dantza gehienak Zinema frontoi estalian egin behar izan ziren. Bazkari eder baten ondotik, arratsaldean, dantzaz alaitu genuen talde guztietako partaideek Zarautzeko kaleak kalejira baten bidez. Eguna Fun&Go musika taldeak alaitutako besta batekin bukatu zen.

Lerro hauetatik gure esker ona adierazi nahi diegu Jalgi Dantza Taldeko partaidei egun zoragarri honetan parte hartzeko aukera emateagatik eta eskeinitako arreta guztiagatik. Era berean, zoriondu nahiko genituzke Dantzari Eguna modu ezin hobean antolatzeagatik.


















Argazki gehiago: http://zarauzkohitza.eus/zarautz/1493555707997
Jalgi Dantza Taldea: https://www.facebook.com/jalgi.dt/

2017 Inauteriak bukatu dira

Joan zaizkigu aurtengo inauteriak eta 2018ari esperoan geldituko gara berriz ere Inude eta Artzaiak Berako kaletan ikusteko. 35 bikote izan ziren guztira dantzan aurtengoan, joan den urteko gisan. Konpartsan parte hartu zutenek ere aipamen berezia merezi dute, ikuslegoari irribarrea sortaraziz eta aipamena ere bai, nola ez, gure musikariei. Luxu bat da horrelako maila duten musikarien doinuak gozatzea.

Hurrengo urtean... gehio!!!

Ondoko helbidean Martin Goikoetxea "Goiko"-k ateritako argazkiak ikus ditzazkezue:
https://www.facebook.com/goikoetxeaplaza/media_set?set=a.10208358915314525.1073742669.1354214306&type=3&pnref=story

Baita ere Herriko Etxeko Plazan dantzatutako momentuan hartutako bideo bat:
https://www.facebook.com/goikoetxeaplaza/videos/vb.1354214306/10208358835912540/?type=3&theater

Eta Ttipi-ttapa-ko lagunen argazkiak:
http://erran.eus/bortziriak/1488184548084

Mila esker argazki eta bideoak sarera goitu dituzuen guztiei.

 

INUDE EDO ARTZAI BAZARA...

Inude eta Artzaietan parte hartu behar duzuenontzat informazio pixkat:

ABESTIAK

Armeniako Artzaiak

Artzaiak eta andriak

menditik jautsiak

zer kontentuz aurkitzen

geraden guztiak. (berriz)

Pozez alaitu zaigu

malkua begian

ikusten dugulako

hola gure herria.

Horra aita Joxepe

danon buruzagi

argitasun haundia

zabaltzen guri.

Bestarik Behar Bada

Bestarik bihar bada

bego gure herrian

betikua du fama

du fama ondo merezia. (berriz)

Bertzetan ez bezala

hemen gazteria

amaren sabeletik

dator ikasia. (berriz)

Eraman beharreko jauntziak:

ARTZAIA

Ø      Atorra xuria

Ø      Txaleko beltza

Ø      Mahoizko galtzak (urdinak)

Ø      Gerriko beltza

Ø      Abarka beltzak eta zapinak

Ø      Txapela beltza

Ø      Zapi laukiduna

Ø      Makila

-         * Atorraren maukak biltzen dira.

INUDEA

     Ø      Soineko laukiduna

Ø      Pololoak

Ø      Media xuriak

Ø      Zapata beltzak

Ø      Manttala

Ø      Kofia

Ø      Bi trentza

Ø      Panpina (jaio berri bat irudikatu behar du)

Ø      Belarritakoak (nabarmentzen direnak)

-        *  Eskatzen da inudea makilatuta etortzea.

INUDEAK ETA ARTZAIAK 2017 - ENTSEGUAK

Berako inauteriak hurbiltzen ari dire eta dagoeneko aste batzuk eramaten ditugu prestakuntzekin. Urtero bezala Inudeek eta Artzaiek herriko kaleak alaituko dituzte dantza eta kantuz. Otsailaren 26ean, igandez, goizeko 10etan aterako da konpartsa Eztegara pilotalekutik. Goiz guztian zehar kaleak pasiatu ondotik, bazkari batek indarberrituko gaitu. Arratsaldez, 18etan Eztegara pilotalekutik Altzateko Plaza arteko bidea lotuko du desfileak.

Animatzen zaituztegu urtero bezala Inude eta Artzaietan parte hartzera. Gainera dei berezi bat egiten dugu konpartsa koloretsu bat osatzeko dantzatzen ateri nahi ez dutenei. 20. mende hasieran herri batean aurkitu zitezkeen pertsonai desberdinak irudikatu beharko dire:

- Apeza, alkatea, ezkontzako bikotea, ministroa, apezpikua, aita santua, fraidea, monja, medikua, enfermerak, deabrua, aingerua, barkilo saltzailea, alargunak, pilotaría, irakaslea, postaria, bizargina… eta zuek proposatutakoak.

Era berean animatzen dugu konpartsan parte hartu nahi ez duten ikuslei beraien mozorroak ateratzeko inauterietako igandean denek disfrutatu dezagun egun haundi honetaz.

Entseguak       

 - Otsailak 21, asteartea. 19:00 etan.   Eztegara frontoian.     

 - Otsailak 24, ortzirala. 20:30 etan.  Eztegara frontoian.

Oroitu bazkarirako txartelak hartzeko aukera bakarra entseguetara agertzea dela. 14€  kostatzen dute txartelek.

Hemen duzue ikusgai desfile honen inguruko historia azaltzen duen post-a:

http://guretxokoadantza.blogspot.com.es/2016/02/inudeak-eta-artzaiak-gibelera-begira.html

---

Falta muy poco ya para que lleguen los carnavales y los preparativos siguen su curso. Como cada año la comparsa de Inudeak y Artzaiak contagiarán su alegría a los presentes con sus bailes y canciones. El día 26 de febrero, domingo, a las 10 de la mañana, la comparsa saldrá desde el frontón Eztegara para recorrer las calles de Bera. Tras reponer fuerzas con una comida, a las 18h de la tarde el desfile completará el recorrido entre el frontón Eztegara y la Plaza de Alzate.

Os animamos a que participéis un año más en Inudeak eta Artzaiak. Además hacemos un llamamiento especial para completar una variopinta comparsa con las personas que no quieran participar bailando. Estos deberán ir caracterizados como personajes que se podrían encontrar en la sociedad de principios del siglo veinte:

- Cura, alcalde, pareja de novios, ministro, obispo, Papa, fraile, monja, médico, enfermera, diablo, ángel, barquillero, viudas, pelotari, maestro, cartero, barbero… y los que propongáis.

Del mismo modo, a todos aquellos que tengáis pensado acudir a disfrutar como espectadores de la comparsa de Inudeak eta Artzaiak, os lanzamos la propuesta de salir disfrazados para que todos juntos disfrutemos de este día grande del carnaval de Bera.

Ensayos

  - 21 de febrero, martes. A las 19:00 h.   Frontón Eztegara.      
  - 24 de febrero, viernes. A las 20:30 h.   Frontón Eztegara.

Recordad que los tickets para la comida solamente se podrán adquirir en los ensayos al precio de 14€.

Aquí podéis encontrar un breve resumen de un post donde explicamos la historia de este carnaval:

http://guretxokoadantza.blogspot.com.es/2016/02/inudeak-eta-artzaiak-gibelera-begira.html